Есен. Крај на Октомври месец, 22 до 25. Езеро Козјак. Со другарми Трајче пецаме за крај на сезона 2016. Првиот ден бираме локација и се улогоруваме. Местото е накрмено и стаповите зафрлени. Никојпат првиот ден не очекувам некаква активност на риба, но и вториот помина без активност. Дури третиот ден се јави рибата. Од 8 до 9 излезе еден крап и два клена од кои едниот околу 1,5kg а другиот околу 1kg. До крајот на ден излезе уште едно крапче и еден клен под кило. 5 риби. Одлично. Четвртиот ден излезе најубав. Од рано утро сонце и мирно, но активност покажаа само две крапчиња од 9 до 10.

По мене одличен резултат за крај на сезона. Барем така си мислев до вторник 29 октомври кога ми се јави другарми Саше. Незнам дали му беа потребни повеќе од 3 збора да ме кандиса за повторно одење на Козјак. За 5 минути се беше договорено. Одиме од петок до недела.

Петок рано сабајле едвај ја утоваривме и мојата опрема во колата на Саше. Правац Козјак, кај Сасој со кого прдходните денови договоривме да пецаме заедно кај него карши рибникот.

Сасој не пречека со кафе и ракиче. Муабет додека го испивме кафето и веднаш со сонарот во чамец. За разлика од август, кога на таа локација пецав на трипати, водата сега е многу пониска. Одиме прво да одбереме локација и да накрмиме.

Разочарување. Местото за ова ниво на водата е премногу плитко. Овдека нема риболов. Што сега да работиме. Пријателот со чамец од Близанско е во Скопје и доаѓа дури попладне. А и Сасој поради обврски на рибникот неможе да не дружи. Каде да одиме и што да работиме? Со тоа прашање се поздравивме со Сасој и полека појдовме кон Близанско.

Погледни овде, погледни онде и застанавме на место каде околу средина на отомври пецав. Местото ветуваше и решивме да останеме тука.

Теренот ми е познат и не ни трба сондирање. Во 13:00 се беше готово. Наместен логор, накрмено и зафрлено. Покрај брег на некои 5-6 метри рипа риба. Бојник. Веќе две години носам исклучиво крапска опрема и малце се покајав што не го носам телескопот со мене. Онака да утепам време.

При крај е и вторит ден а удар на крап нема. Предходниот ден имавме барем титкање на ситна риба на хранилиште а сега ни тоа го нема цел ден. Моралот ни се крена со стемнување. Почна да рипа крупен крап. Плауууу од лево. Плаууу од десно. Пред нас на сред езеро. На хранилиште. Но денот заврши без музика од сигнализаторите.

Го испивме и второто утринско кафе и полека ја пакуваме опремата која треба некои 200 метри узбрдо да ја изнесеме на пат, кај колата. Одеднаш без било каква најава пишти сигнализатор. Контра и имам риба. Ова е мој прв крап во Ноември. Полека со мерак го влечам кон брегот и по кусо време заврши во кепчето.

Околу пладне веќе се што ни беше непотребо беше пренесено и утоварено во колата. Седиме и одмараме уз бла бла бла муабет и повторно ран. Додека станав и стигнав до полпат до стапот, а бев на некои 2m од нив, се стивна. Свингерот си стои во горна положба како ништо да не се случило. Што да работам. Да контрирам или не. Ранот беше голем за ситна риба, а пак да не се закачи??? Сепак одлучив да оставам и ништо да не чепкам. И бев во право. За 10-15 минути повторно ран на истиот стап. Контра и тука е. Набргу и второто крапче оп у кепче. Толку за 2016.

Осврт на сезона 2016

Годината ја започнав со купување на нов сет на параболици, Barklay B2 XLR 13"/3.6lb.

Парите планирани за нови машинки Shimano XTA LC завршија во буџетот за свадба на поголемиот син.

Заминав во пензија, а од отпремнината, благодарение на Аки Рибар успејав да си купам нов шатор Daiwa Infinity Ground Hugger.

Се преселив во нов стан, додуша привремено додека не се изгради мојот.

До крајот на Јуни успеав да заминам само дваипол пати на риболов (ова пола беше крадење време додека носев покани за свадба кај братучедми во Криволак). Но затоа од Август наваму ме заборавија дома. Се риболови од 4-5 ноќи. Ретко 3. Ме заборавија дома.

И да. Го пуштив во употреба новото бродче хранилка. АРКА – Т5.

На крај сакам да ги поздравам и им се заблагодарам за дружба на сите што оваа година пецаа со мене: Сашо (Раец), Трајче, Сашо (Сасој), Мики, Сашо (Паланка), Љупче, Панде (Зденко), Јоцо (Фиксна), Бојан, Стамбол (Горан), Зелен, Цана . . . (се извинувам ако некого сум го изоставил, не е намерно и плаќам пенали).

На покана на Мистер $ Даре и братот на нашиот ценет колега kompir99 се придружив на идејата да се појде на река Агитис во потрага по госпоѓица Зубла, барем Даре и јас, затоа што Кире си лови мајсторски бела риба на тапа, нели, за вкусовите не се расправа. :) Мојот скромен арсенал кој ќе биде употребен за риболовот.

Тргнување во раните утрински часови, вообичаени разговори врзани околу риболовот и слично во кола, упатени кон очекуваната дестинација и...некаде накај Дојран, возејќи, Даре, удри еден зајак во мракот. Застанавме, излеговме, се обидовме да го најдеме Зајко покрај патот, но ни трага од него. За малку ќе се префрлевме во ловџии. :D
Ништо, продолжуваме понатаму. По некој час пристигнуваме на реката, на разденување. Уште малку возење покрај река за да се стационираме, Кире веќе си одбра место за "пеглање" на попадика, а јас со Даре тргнавме да бараме места по река каде може да зафрламе и да си ја пробаме среќата.

Даре меѓу вкусните плодови на природата. :)

Самата природа, самата река прави да се чувствуваш убаво, има некој мир во таа вода што истекува и не се враќа назад.

Првиот удар, го добив на воблер од рачна изработка на колегата Кирца и тоа под нозе удри штуката, од памет се извадив. Добро е, имаше акција. Се има случувано и тоа најчесто, воопшто и да нема никаков удар, никаква активност цел ден, барем мене ми се има случено. Продолживме понатаму по реката. На едно место, еден вир, почна да работи рибата. Имавме удари, повеќе нереализирани, отколку реализирани, откачувања, на што и да пробавме, имавме удари. На кашика, воблер, силиконец, главињара, речиси на се што ставивме како мамец имавме удари.

Даре се спушти по реката, а јас си останав на вирот, убаво ми беше да вежбам зафрлање, едноставно си уживав во природата. И одеднаш, бам! Страшен удар на метар и пол од мене! Почна веднаш да влече надоле и тоа силно. Трската свиткана, машинката почна да си зуе, се вртам и гледам кепчето на брег, далеку од дофат на раката. Малер. Не можам да се качам горе по кепот, а да не ја изгубам рибата. Можеби 5, можеби 10 минути, а можеби и помалку викав по Даре. Да биде поинтересно, тој беше надоле по реката, на еден брзак со риба на трска исто така. Ме слушнал, но не можеше да дојде веднаш. Ја изгубил рибата, му се откачила и ете го, гледам како доаѓа пцуејќи од доле. "И јас имав риба на трска, ми се откачи, ММЕ! , што има кај тебе?" Што да му кажам, се се гледа, трската свиткана и рибата вози лево -десно по реката. Полека почнав да ја кревам горе, мало подесување на кочницата, Даре спремен со кепот и ете ја, влезе во него! 82 см долга! Огромна! (бар за мене) :)

Црнецот го испративме во памучните полиња

а ние до крајот на денот имавме уште некое откачување/реализација. Резултатот, Даре 3, јас 2 риби, од кои едната беше таа госпоѓица Зубла што би рекол Даре. Кире имаше убава попадика и тоа беше тоа за еднодневниот излет што ни остави убави спомени.Мала фотосесија на крај и Даре при обид да се слика со повеќе риби одеднаш, настрада малку, така да, внимавајте како си играте со госпоѓица Зубла. :)

До следната репортажа, бистро на сите! ;)
(специјално за Даре& :) )

Во саботата после пост од 2 викенда за мене, отидовме на Радика со Емил. Викендов кој измина е претпоследниот викенд кога е дозволен риболов на Радика, останува уште 24-25.09 за риболов и после тоа е забрана.
Отидовме со идеја дека почнала да качува покрупна пастрмка од Дебарско по Радика. Не дочека поголема вода, за разлика од последните 2-3 одења таму, барем 20-25 см повисоко ниво на реката. Беше доста потешка за газење, посебно за прегазување на места каде што тоа било лесно.
Решивме повторно да го поминеме делот Бошков мост - Скудриње претпладнето. Имавме доста улов бројчано, извадивме барем по 20-тина пастрмки со Емил, меѓутоа само по неколку извадени беа во мера, другите беа помали, од 15, 20, 25 см.
Попладнето после ручек отидовме над Жировница и таму извадивме по неколку парчиња, за на крај да завршиме на сува мушица кај Бошков мост, каде што извадиме по неколку риби. Имавме неколку откачувања на убави риби, кои не бевме во можност да ги извадиме, не дека беа преголеми, туку ловевме со помали нимфи, па кога некоја поголема ќе удреше (поголема значи од пола кило нагоре) влегуваше лесно во брзак, а бидејќи водата беше зголемена, полесно се откачуваа при борбата/вадењето. Како и да е, дента ловевме по принципот C&R и све вративме назад.

Бистро до следниот риболов, еве неколку фотографии по хронологија :)

Од 20-24.09.2016 во Франција ќе се одржи светското крапско првенство. Македонија учествува на ова првенство со 3 тимови (дуа) плус резервна екипа.

Да им посакаме бистро и многу успех, достојно да ја претстават Република Македонија.

Информации за текот на првенството кое трае 72 часа ќе бидат објавувани постојано на форумот на РИБАР.

Деновиве на форумот на РИБАР добивме информации од наши членови дека кленот на Мавровско езеро е активен на спин техника, со користење на цикади и воблери.

Повеќе информации на форумот :)

Во петокот, во близина на с.Николиќ на Дојранско езеро, повторно е уловена пирана во мрежа од страна на стопанските риболовци. Фотографијата е направена од татко на член на форумот на РИБАР и е автентична.

Изминатиот викенд во Пловдив, Бугарија, се одржа светското првенство во риболов во дисциплина “пливка“. Македонската репрезентација зема учество на ова првенство и го освои 16-тото место во вкупна конкуренција, што е најдобар успех на Македонската репрезентација досега на светските првенства во дисциплина “пливка“. Честитики за момците кои ја претставија Македонија.

Моментот кога син ми дозна дека на одмор ке одиме во Ставрос , почна со пакување на риболовната опрема . Уште не тргнати почнаа прашањата " кога ке одиме на Агитис "
" колку пати ке одиме " :D :D :D ... Јасно даде до знаење дека планира дел од времето да го помине и во риболов . Иако немам обичај да носам опрема на одмор , овој пат бев приморан

Не го дочека вториот ден , веке почна да прашува кога ке одиме ... и се знае , пали колата и правац Агитис .
Водата беше одлична , не многу голема . Некои места се изгубија но се отворија некои нови квалитетни места за штука .
Спинерите и кашиките почнаа да летаат и се појавија првите удари . Неколку изгубени но и уловени штуки . Задоволството на високо ниво :D

Како синот е задоволен , мора и татко му да биде задоволен.

Тука заврши нашата попладневна прошетка по Агитис , но не држеше многу :hit_head:
по неколку дена почнаа повторно прашањата кога пак ке одиме :lol: :lol: :lol:
Што се мора не е тешко , ме радуваше фактот дека се повече е заинтересиран за риболовот .

Вторта кампања ја направивме исто попладне од 17:00 до 19:00 часот ... водата беше уште падната и активноста на штуката беше доста намалена .
Но среќата ги прати храбрите :)

Задоволството повторно беше големо , преубава природа и убава вода богата со риба .
Не испрати убаво зајдисонце за разубавување на целата кампања :D

Поздрав и Бистро до следниот риболов

Летово со Емил имавме прилика да посетиме повеќе мали рекички низ Македонија на кои може да се мушичари пастрмка.
Најчесто се ловат мали пастрмчиња, а знае да изненаде и некоја “голема“ за таква рекичка, од 300-400 грама

А вакви се неочекуваните

На една од тие рекички прв пат видовме и се запознавме со “рибата“ која се вика змијорка. Риба/змија/паразит во едно :)

На една од тие рекички успеав прв пат да уловам две риби истовремено :)

А една од поубавите работи која го следи риболовот во дивина е...

И уште неколку фотки од рекичките

Бистро :)

п.с. од рекичките не е земена ниту една риба до сега од мене и Емил

Годинава почна релаксирано на риболовен план. Неколку кратки излети, дружењето на Мавровица, спин посети во соседството и после сето ова нормално следуваше планираното за оваа година. Посети надвор, слободен риболов и некој натпревар...како се најде термин и време, така да напаѓаме. Неколку води ги земавме во предвид кој сакаме да ги посетиме надвор од државава, а како прва на календар ја ставивме Агов Дол, која лани на натпреварот во
Бугарија ни остави добар впечаток.

Се споија коцките, во комбинација влезе и Ховиц кој беше изгорен за риболов и опцијава му дојде како 1 на 10-ка.
После договорот почнаа подготовките, нормално прво боилата беше на ред. Се решивме за 18-ки црвени 10кг и жолти 10кг. :)
Се распоредивме дополнително кој што да набави и спреми, се скоцкавме во џипот на Тафта со опрема и правец Враца (Агов Дол).

Веќе беше договорено тамо со сопственикот Марио и веќе 12 часот напладне биравме позиција.
Езеротo не пречека тепсија...
Се одлучивме за позиција 8 од купот која е малце со поголема далечина бидејќи езерото тука се проширува.
Се наместивме до бунгаловот кој ни олесни многу да не отвораме ниту шатор, ниту тенда и комоцијата која беше
внатре беше уникатна. 2 маси, стреа и 2 кревети со душеци. ЛУДИЛО!

Отпакувавме опремата и почнавме со работа.

За брзо веќе беме сетирани, 3 позиции со екстра распоред за работа на 2 боили.
Ховиц десно на отворено ја работеше сам жолтата која е малце поспора, јас во средина а Тафта лево.
Тука комбиниравме нешто дополнително кој за вакви води каде рибата бара месо/протеин беше неизбежно од инфото кој го добивме. И секако излезе правилно...

Така фино сработено за добар старт и нормално ако добро стартуваш, одма резултат и тоа страшен....за 2-3 часа.
Ран –Филмски и веќе го имав во раце десниот параболик кој одма при дигање го осетив дека имам нешто
потешко и помасовно на јадица.

После добри неколку дрила, тешки ковања надолу...успешно изваден крап од 15кг. Без 200гр.
Старт од соништата, секој би посакал ваков старт...ДЕЛФИН.

Пошо никој неќеше да ме снима и да ми направи еден клип, навјеројатно од адреналин..имам само 2 клипа
за разлика од нивните 6-7. Ова пуштање и уште едно кепање. Веќе не ги снимам!

После добриот старт, некако се смири се. Падна активноста и падна мрак. Прва ноќ!
Расположението на највисоко ниво и нормално се припрема мезе...

Разноврсни салатки со пинџурче, сланинче, сиренце па па...не можеше, а да не се пецнеме со домашната
на Ховиц – ракија, се разбира.:D Како да не чекаше да замезиме и одма почна активноста...но ништо сериозно.
Крапчиња до 3 кг, амури неколку до 4кг... Активност имаше цела ноќ. Таман си се утврднал, свири сигнализатор.
Амурот беше чуден и на оваа вода очигледно не се вика grass carp, се вика meat carp. Удари само на црвената! :D

Ноќта помина без 10+, но солидно не дрмаше и не држеше на штрек, милина...
Нов ден, ново сонце...
Вечерта останавме само на мезе, па затоа утрински Ховиц реши да не награди со неговото познато рибарско болоњезе. :D

Имавме на 2-3 км продавница каде си набавуваме ладна вода и ладно пиво. :D
Мора да се наздрави во име на куварот. Бугарска бирка после вакво јадење легнува перфектно!
Тафта веќе најаден, чека удар.

Се уште беше мирно, без значителна активност. Времето ПЕКОЛ, просто не се дишеше.
Верувале или не, за 72 часа испивме/искористивме преку 100 литри течност! :crazy:
Не посети и сопственикот Марио, екстра човек – вистински крапар. Кажуваше за авантури,
некој совет за подобра ефикасност и си направивме муабет за буквално се околу крапскиот риболов.
Искрено да имаше некој овде ваков, ќе беше БОГ И БАТИНЕ меѓу нас. Секоја му чест. :lepi:

Со него носеше од романските карбонски кобри кој само што му пристигнале и не ја пропуштивме шансата да ги тестираме.

Стивна малце времето, а со тоа се зголеми и активноста...
Акција насекаде, грото крапчиња до 4 кг. И повторно по некој амур. Но сеуште немаше 10+....

Така беше се ноќта до 2 часот по полноќ каде се појави и бабачкото кој го чекавме од минатиот ден.
Овој нешто помал, но добро е ...почнува да се јавува.

Тафта со уловот од 10.500 кг.

Морам да напоменам дека за прв пат, после незнам колку обиди да уловам на Копенс, дојде и тој ден.
Удираше и на 2 пелети, а и на комбинација ваква...

Дојде и ново утро, Рино беше тука со нас цело време. Сите боили ги тестираше успешно.

Каква екипа... не ги мењам ни за Тери Едмондс и Марк Хатчинсон

Утрото повторно акција, крап – амур и обратно...почнаа и поголеми амури и крапови до кај 6 кг.

До кај 9 часот беше удари на 3 трски насекаде, но потоа проработе жолтата боила кај Ховиц. :D

РАН НЕЗАБОРАВЕН, УШТЕ МИ ЗВОНИ У ГЛАВА!!! :crazy:
Тафта КАКО СЕРГЕЈ БУБКА со 125кг, СКОКНА и само што се свртев го гледам веќе почиња да дрила....:D

Уживајте во видеото со вадењето на КРАП 14.100кг.

Фотосесија неизбежна, Tafta's personal best. :D

Нормално и Ховиц на кадро, заслужи...ја сработе жолтата ПЕРФЕКТНО!

Го погаливме, го истинтравме и назад во вода. Лицата насмеани и среќни. :D

Само што решив да одморам, им тргна на овие 2-ца. Удар за удар. Жолта, па црвена и обратно...Салата.

Ховиц имаше риба живота на трска, но за жал и откачувањето е составен дел од риболовот. Совршено нема.
Но, од вакви работи се учи. Секоја изгубена риба е школо.
Држеше 15+ сигурно..штета!

Но одиме понатака, нема разочарување. Што е, тука е... ќе си дојде тој.
Но набрзо ги орасположи и едно мало сомче кое му се јадело јаглехидрати, Ховиц тргна по крап - но улови и сом...еехеееј. :D

Во најжешкото пак, имаше таков ран што сигнализаторите мислам дека ќе експлодираат. :o
Тафта под сенка кулирајќи се штрека и така му се здаде да трча, што мислам дека ќе го
извадеше надвор со едно повлекување. :lol:

После кратка борба од 5-6 мин. и овој се прости со нас.

Голема риба, но за жал и ова не беше наше.... :(

Видео од откачувањето на Тафта...

Но тоа е тоа, разочарувањето поминува одма при следниот удар.
Ховиц како најактивен повторно позитивно изненади и со оваа риба...

Додека бевме со Тафта до селото да набавиме ладна вода и други намирници, Ховиц сам го извадил, го укепал и го ставил во сак за сликање...БРАВО!

Крап 5,700 кг.

Но, само што се сликаше и го врати назад...Ховиц повторно во акција.... :D

Амур 5-кг.

Тоа е тоа, задоволството е уникатно и впрочем затоа сме забегани по сето ова.
Затоа го сакаме и затоа со толку голема страст се пристапува.
Почна да замрачува, а од тука и по некој облак се појави.
Се спремаше невреме, електрични празнења, грмотевици го осветлуваа езерото.
Се прибравме под бунгаловот, со спремивме за невреме и оставивме работите сами да се одвиваат.

Престанавме со крмење, удривме по некоја со добро мезе и некаде кај 23:00 веќе имаше убав ран.
Се пуштив шпринт по дождот и излезе еден крап од 6,200кг.
Некако фалеа тие до кај 7-8кг.

Застана активноста после ова, па некаде кај 01:00 така јако сите 3-ца пецнати се екнавме у кревет.
НОКАУТ до сабајлето до 6 часот!

Станувам таков кафе да правам, коа загледав кај мојот сет, гледам еден свингер паднат.
Одам, кревам...ОПААА, брате па ово нема ни у БЕОГРАДУ. :D
Наспан, одморен, станувам а веќе риба ме чека.

Како го возам накај мене, така се повеќе отпор ми дава…осетив дека е нешто поголемо и повнимателен бев со оглед на фактот дека незнаев колку време стоел закачен, па екстра претпазливо го донесов до брег. Укепан и изваган. 12.100 кг.

Застана активноста после ова, па некаде кај 01:00 така јако сите 3-ца пецнати се екнавме у кревет.
НОКАУТ до сабајлето до 6 часот!

Станувам таков кафе да правам, коа загледав кај мојот сет, гледам еден свингер паднат.
Одам, кревам...ОПААА, брате па ово нема ни у БЕОГРАДУ. :D
Наспан, одморен, станувам а веќе риба ме чека.

Како го возам накај мене, така се повеќе отпор ми дава…осетив дека е нешто поголемо и повнимателен бев со оглед на фактот дека незнаев колку време стоел закачен, па екстра претпазливо го донесов до брег. Укепан и изваган. 12.100 кг.

Полека се спакувавме, се поздравивме со Марио, се сликавме за спомен и истовремено му честитам на храброст и
енергијата која ја има за да одржува една ваква вода.

У кола и правец Софија кај чичко Васил. Нормално, неможе да биде едно вакво крапско задоволсто
комплетно ако не влезеш во некој од софиските продавници и малку поужуваш во излозите и нормално
збичкаш некој лев. Овој пат “При Мајсторите”...

Еве некој фотка...

Одма спраштивме накај Паланка на ручек кај кумашинот на Тафта, удривме некое пиво, апнавме и правец накај Скопје.

А, сликава е доказ дека целава кампања била успешна.

Да беше обратно имаше да биде сочна дискусија до Скопје! :D

Но, да сумирам...
Се извадија преку 30 риби, се фаќаше на предвези 20 см, 4-ки јадици FOX KURO, Наша боила 10 кг,
Сквид + Шелфиш+Белашан, 10кг. ТОП банана 50/50 – СА Мурбери + Ананас, Копенс Халибут пелети 1кг (само на влакно и ПВА).
35-ка конци, се фаќаше на 90 и 110м.
Пченка не се фрли ниту едно зрно, се работеше само со кобра и пва.

Фрливме боила 16кг. (благодарност до Милчо за помошта за ролање и варење)
За да не собере во џипот (благодарност до Кременадла за тулето и помошта при монтажа)
За да ни се договори се на Агов Дол (благодарност до чичко Васил ).

Шаранскo Шосе - Агов Дол или во превод Крапска улица – Агов Дол.

Бистро на сите до следната авантура, каде се надевам дека ќе има и 20+.