Неделно попладне на Мавровско езеро. Леунска брана 16 часот. Времето променливо малку ветер малку сонце и повеќе дожд.
Но упорноста се исплатеше. По некое време удар два па ништо, повторно и пак ништо.
Но по 19 часот се заредија ударите и почнаа да искачаат кленови и тоа убави главучи.
Сите кленови беа вратени назад.
Опрема со која што ловев
Трска CTS AFFINITY X 9 FT #14
Машинка DAIWA CERTATE 2500 R
Плетеница J-BRAID PE#0.8
Флуокарбон DAIWA TOURNAMENT 0.28
Воблери YO-ZURI 3DS MINNOW 70 SP. MARIA FAKE BAITS 70F. DUO SPEARHEAD RYUKI 70S I DUO SPEARHEAD RYUKI 80S

Почитувани колеги риболовци,

Со задоволство Ве известуваме дека од утре почнуваме со ИЗДАВАЊЕ НА ДОЗВОЛИ за нашиот ревир Вардар 3 - Скопски, а од петок и со комбинирани дозволи за повеќе ревири.
Дозволите може да ги купите во следните риболовни продавници:

1. Сара Спорт Бистро (кај Перо) карши Бит-пазар
2. Рибоцентар во Тафталиџе
3. МакДам во Порта Влае
4. Марија Спорт во Драчево

Како и на останатите пунктови за дозволи:
1. Перална за возила МИА, на крајот на булеварот во Ново Лисиче
2. ЗСР Вардар – Скопје

Оние кои гравитираат кон Маџари/Сингелич, може да се обратат на 070/57-70-20 кај Давор и да земат дозвола кај раскрсницата према Кванташки (кај пругата).

Аеродромци може да земат дозволи во перална Миа во Н.Лисиче или да се јават на 071/232-188.

Цените се следните:

1. РЕВИР ВАРДАР 3 – СКОПСКИ:

(ВАРДАР ОД РАДУША ДО СОСТАВ СО ПЧИЊА, ТРЕСКА ОД МАТКА ДО СОСТАВ СО ВАРДАР, ЛЕПЕНЕЦ ОД ГРАНИЦА ДО СОСТАВ СО ВАРДАР, КАДИНА РЕКА, МАРКОВА РЕКА)

- ГОДИШНА: 1100 ДЕНАРИ
- ДНЕВНА: 300 ДЕНАРИ

(ЗА НАД 65 ГОДИНИ СТАРОСТ – ГОДИШНА 900 ДЕНАРИ)

2. ГОДИШНИ КОМБИНИРАНИ ДОЗВОЛИ:

- ВАРДАР 3 + ПЧИЊА 2 (СКОПСКИ ВАРДАР, ПЧИЊА, ЛЕПЕНЕЦ, ТРЕСКА, КАДИНА, ЕЗЕРЦА БАДАР): 1800 ДЕНАРИ

(ЗА НАД 65 ГОДИНИ СТАРОСТ – 1600 ДЕНАРИ)

- ВАРДАР 3 + ВАРДАР 4 (СКОПСКИ ВАРДАР, ВЕЛЕШКИ ВАРДАР ДО СОСТАВ СО ЦРНА, ЛЕПЕНЕЦ, ТРЕСКА, КАДИНА, ЦРНА РЕКА ОД БРАНА ТИКВЕШ ДО СОСТАВ, БРЕГАЛНИЦА ОД С.УБОГО ДО СОСТАВ, БАБУНА И ТОПОЛКА): 1900 ДЕНАРИ

(ЗА НАД 65 ГОДИНИ СТАРОСТ – 1700 ДЕНАРИ)

- ВАРДАР 3 + ВАРДАР 4 + ЕЗЕРО МЛАДОСТ (ВЕЛЕШКО):2200 ДЕНАРИ

(ЗА НАД 65 ГОДИНИ СТАРОСТ – 2000 ДЕНАРИ)

После лига, ЈПК, спинот т.е. неколку потрошени викенди, конечно дојде време да се тркне до Радика.
Јас и Емил од Струга, Цакуле од Скопје, се најдовме на Радика. Надолу Радика се уште е доста брза и големка и нема услови за одење како што знаеме да ја “шетаме“. Сабајлето со Емил пофрлавме малку доле, фативме по неколку рипчиња, па се префрливме во горниот дел каде што се најдовме со Цакуле и таму ловевме до ручек. Излегоа доста парчиња, по 20-30 од човек, меѓутоа горе се генерално све поситни. Најголемите што излегоа беа 30-35 см. Како ќе се намалува водата, ќе се лови надолу каде што се поголемите примероци. Убаво беше што на реката немаше многу луѓе и ги немаше редовните штеточини што собираат маломерни риби.
Попладнето почна да врне, пофаќавме малку и на дожд надолу, Емил откачи една убава, па почна да врне посилно и бевме приморани да напуштиме терен.
Здравје, следниот викенд со нови сили. Бистро!

На 16-ти бевме во Скопје, големата внука матурантка, прославивме како е редот и на 17-ти назад за Софија. Многу ретко со син ми може да ни се совпаднат викендите за да можеме да одиме заедно по риба, овој пат се се подреди како што треба, се приклучи Станимир, Андреј и Иван колеги на син ми од работа и соседот на Андреј.
Бидејќи овој викенд нешто многу натпревари по езерава во БГ па решивме да отидеме на Борец, езеро во близина на Пловдив.
Се јавив на сопственикот да ни запази доволно широко место да може сите да се собереме, немавме некои поголеми информации за водата, никој од нас не ловел таму досега.
Од тоа што успеав да разберам масовниот број на крапови биле од 4 до осум килограми и доста риби со тежина и до 19 килограма.
Како и да е и покрај лошата временска прогноза за петок спрема сабота , во петокот во девет сабајле веќе бевме на излез од Софија, патувањето протече пријатно, езерото не пречека во сонце, сопственикот не смести како што доликува на вистински стопанственик и си замина.
Пред нас имаше острово, канал од некои 180м, проверивме длабочина, 2,5 до 3,5 метра, малку прихрана и трските веќе беа во вода.
Потоа го средивме кампот и седнавме малку да се освежиме, па и ние душа имаме
Многу муабети, шали, зезање и по некоја риба
Вкупно фативме шест риби, рибите се многу борбени , за тоа колку се убави треба секој да се увери лично. Ударите беа преку ноќ, фото сесија и враќање на краповите назад
Малку снимки да ви ја доловам атмосферата.

Редовно , како и секоја година , Рибар 2011 традиционално организира крапски куп за своите членови и пријатели . Како и минатата година и оваа година повторно решивме купот да се оддржи надвор од Македонија . Оваа година извор падна на езерото Бистрица покрај Софија .
Беа поканети членови и пријатели на Рибар 2011 и секако колеги од Бугарија кои го збогатуваат овој наш куп со своето присуство веќе со години . Организацијата беше одлична како и секоја година , колегите задоволни и конечно магичната бројка од 1000 килограми беше достапна .
14 дуа ги извлекоа своите позиции и купот можеше да почне .
Јас натпреварував со син ми Матеј за кого ова беше прво поозбилно крштевање од натпреварувачки карактер , прв поозбилен куп каде што требаше да се искалеми за крапски риболовец и натпреварувач . Меѓу натпреварувачите имаше доста познати имиња во крапскиот риболов како од Македонија така и од соседството . Имаше што и од кого да се научи и види .
Извлековме позиција број 2 ... веднаш до ресторанот од левата страна . Комшии до нас на позиција 1 беа веќе докажаните и искусни стари крапџии Роби и Запа заедно со Слободан . Екипа која со своето искуство во кругот на најдобрите крапџии во Македонија .
За натпреварот бевме спремни ... имавме спремена топива бојла ( 20мм ) комбинација на миксови од Мелег ( јагода и банана ) + помешан со домашен неутрал микс во размер 50/50 . Ароми неа користени исто од програмата на Мелег и тоа 10мл јагода , 5мл банана , 3мл скопекс , 3мл Cram Dream од Пролоџик и 3мл бела чоколада на Мелег . 100мл Natural Attract исто на Мелег и 50мл Catcher liquid Мелег .
Втора бојла која ја користев беше обична 16мм комбинација на Мелег микс бело чоколадо со банана , нетопива бојла со арома на бело чоколадо и скопекс и Catcher liquid бело чоколадо Мелег .
Како одминуваше натпреварот , колегите кои беа на другата страна од езерото веќе ги имаа и првите риби . Ветерот беше поволен за нив и кој знаеше тоа да го искористи веке имаше по неколку риби за мерење . Позициите околу нас мируваа , сигнализаторите молчеа но сепак беше само почеток на натпреварот . Првата риба ја добивме околу 18Ч00 и едвај беше во мерка ... 1,030 кг како за упис и прва риба не беше ни така лошо . Вечерта ветерот се смири , звездите го прошараа небото и сигнализаторите пуштија глас . Најпрво кај комшиите на позиција 1 околу 10Ч00 се појави првиот крап од 7-8 кг а потоа и кај нас на 2ка се пробудија сигнализаторите . Акцијата не изостана и на другите боксови но дојдоа и нашите 5 минути . Успеавме да извадиме 4 убави риби од 7 до 13 килограми што ни даде дополнителен мотив и желба за натпревар .
По интересната вечер , следуваше мирно утро за мерење на уловот и секако фото сесија .
Убави здрави риби , борбени и јаки кои го кренаа адреналинот . Сликање , мерење сумирање резултати , раскажување кој што како ... се што е дел од убава дружба .
Дневна дружба со комшиите , виничко кафе , по некоја салата и многу муабети , помина и вториот ден од натпреварот . Прошетка по патеката и посета на колегите по другите боксови , рибарски муабети и гачки во секој бокс . Убавината на куповите е токму во овие дружења , насмеани лица задоволни од постигнатиот успех и од убавата дружба . Постари помлади , искусни помалку искусни ... сите на едно место со истата болка . Крапски риболов ...
Дојде и крајот , свирна и последниот сигнал , прибирање на опрема и секако најпосакуваниот дел од натпреварот . Сумирање на резултатите и прогласување на победниците .
Јас и Матеј бевме на скромното 11то место но сепак задоволни бидејки го освоивме пехарот за најголема риба . Рибата од 13,150 кг ни ја донесе наградата за најголема риба за која Матеј беше пресреќен . Прв пехар , прва награда ... среќата немаше крај .

Од 10-13.05.2018 се одржа 9-тиот Јадранско-подунавски куп во мушичарење на реката Џетиња кај Ужице, Србија. На натпреварот имаше 21 екипа, односно 63 натпреварувачи. Од Македонија учество зема една екипа, согласно резултатите од Државната мушичарска лига на Македонија, во состав Јулио Божиновски, Зоран Трајковски и Александар Цветановски (Цакуле) како натпреварувачи и јас како четврто пласиран за резерва. Со оглед на тоа што Цакуле доби принова два дена пред тргање, до последен момент не се знаеше дали ќе дојде или не. Утрото на 13.05 не извести дека сепак нема да дојде и јас го заменив како натпреварувач. За логистика ги земавме Пепи и Емил, требаше да бидеме тројца во позадина, но останаа само тие двајца.
Во четвртокот стигнавме до Ужице, се сместивме, прошетавме малку и на спиење. Во петокот станавме во 05:00, прво на доручек и после на тренинг. За тренингот бевме исто поделени во три дела каде што нема да се натпреварува, па Јулио остана во градот, Пепи и Зоки на среда, а јас и Емил отидовме на горниот дел на реката. Сите имавме улови на тренингот, видовме отприлика на што ќе ловиме на натпреварот, заврши официјалниот тренинг, не вратија во градот и ние правец на река да “дотренираме“. Фативме уште по некоја риба, ги дефиниравме мушиците и отидовме на свечено отворање, дефиле, кратка закуска, па на крај состанок на капитени, влечење позиции, комбинации итн. Вечерта се спремивме, се наместивме и во сабота станување во 05, доручек, собирање надвор и разнесување со комбиња по сектори. Јулио во А, Зоки во Б и јас во Ц.
Реката е релативно мала, како Сатеска и на некои делови малку поголема од Сатеска. Има поточара, младица и липљан (младицата и липљанот се дополнително порибени). Пастрмките што се ловеа беа генерално 20-25/6 см, а липљаните 25-35 см. Младица нормално не се улови.
Во прво коло се упишавме сите (тоа ни беше целта на сам почеток, да немаме нула во било кое коо/сектор) и после прво коло бевме на 7-мо место.
После тоа не собраа комбињата, отидовме на некое излетничко место каде што имаше ручек за сите учесници на отворено, за после ручекот веднаш да се упатиме на стаза. Второ коло, јас во А, Јулио во Б, Зоки во Ц. И во второ коло се запишавме сите, а во генерален пласман се искачивме едно место погоре, 6-ти.
Вечерта во хотел со Зоки направивме дополна на мушиците, па на спиење, во неделата повторно будење во 05, доручек и на стаза за последно 3-то коло. Јас бев во Б, Јулио во Ц и Зоки во А. И во трето коло се запишавме сите тројца и тоа допринесе да се качиме уште едно место погоре во генерален пласман и да завршиме на високото 5-то место од 21 екипа, оставајќи ги позади себе дури и црногорците од Колашин кои лани беа прваци, а преклани вице-шампиони. Тргнавме без високи очекувања, познавајќи добар дел од натпреварувачите и нивниот квалитет, но очигледно и ние сме напреднале, па се пласиравме доста добро.
Во оваа прилика сакам посебно да го пофалам Зоки кој придонесе за добриот пласман со неговото прво место во сектор во трето коло, кога сите имаа 0, 1 или 2 риби, а тој беше прв со 6 уловени риби во мерка. Зоки, иако релативно неискусен во однос на другите, се покажа како одличен риболовец кој допрва ќе прави добри резултати.
На натпреварот се уловија и многу риби под мерка, а судиите не прогледуваа низ прсти ни за милиметар. Мене во прво коло не ми бодуваа пастрмка која беше 198 мм.
Организацијата имаше доста пропусти, малку неорганизирано беше одењето по позиции, судиите не ги почитуваа во целост договорените насоки, во некои сектори имаше мерење за време на натпревар што беше договорено да нема поради простор за манипулации, Емил имаше среќа како супервизор да биде заборавен на крај на стаза и да се враќа пешки после прво коло едно 2 км низ планина, а од другата страна на стазата заборавија натпреварувач од Словенија кој 2 часа чекал некој да го земе (во кањонот немаше мобилна мрежа) и така...
Во секој случај, добар натпревар со одлични екипи од 8 земји и уште едно искуство плус за нас.
Малку фотографии за крај, редуцирав колку можев.
Поздрав и бистро од FF тим Македонија!

Како и секоја година така и оваа се одржа рибар купот.
За жал како и прошлата година така и оваа падна купот да биде надвор од нашата држава.
Се одржа на езерото Бистрица близи до Софија поточно село Безден.
Ова го потенцирам бидејки знам многу колеги ке го прочитаат и ке им кажам дека сме многу назад во одржување на една вода со добар капацитет на риба.
Не помина многу брзо оваа идеа која ја споделив со неколку колеги и така палење колата на Спаива и заедно со Тафта веке сме на езеро. Таму не чека Васил и одма направивме обиколка на езерото со гледање на позициите и не врзан муабет околу езерото.
На прв поглед одлично со добар капацитет на риба , подоцна доагаат Иван газдата на езерото кој се договоривме за условите на користење и ни се придружи и Слави на по едно пиво.
Датумот договорен ама пуста краста не јаде да направиме еден тест на истото езеро па така и тоа го договоривме. Но мене ми искочи некоја овбрска на работа па ја немав таа срека да направам тест, но Спаива ,Тафта и покасно им се приклучија уште 4 колеги од МКД си поминаа одличен риболов.
Па така секој црпнавме по некое инфо од нив како поминале и кој мамци подобри им се покажале и нормално се факаме за работа и да се спремиме за купот.
Иако инфото ни даваше други врсти на мамци ние за оваа кампања се одредивме за два вида на боили( црвени и жолти) мала шала овошни и млечни со вкупна тежина 4 кг и 1.5 кг пченка и по некоја пелетка за пва..
Стигаме во чевртокот на езерото по пат го собравме и Профа и веднаш се фативме за работа со Иван да го обележиме езрото и го поделиме на 15 еднакви позиции каде една карши друга нема да се спојуваат. Но Тафта ми јавува дека една екипа се откажала Пепи и Мики поради кој причини сами нека си напишат, па така исфрливме една позиција која беше и малце лоша за црпење на риба.
Полека почнаа да доагаат и колегите од МКД ни се приклучија Трасул и Чупле па подоцна и Сергеј и Предраг. Ја поминавне нокта во дружба и убави муабети и му заблгодарувам на Иван кој ни дозволи да преспиеме во неговииот објект и под чадорите пред ресторанот.
Сабалјето почнаа да доагаат колегите од Македонија и Бугарија веке сите екипи пристигнати се пие по некое кафе и се чека да почне влечењето на позиции.
Да не се повторувам повеке кој која позиција ја извлече ке ја има подоле фотографијата сликана со позиции.
Нас ни се падна позиција број 10. Како информација добивме дека била многу слаба и дека никогаш не била во првите 3. Како фаворит позиции беа нагласени 1, 6, 7,8 и 15 од страна на газдата на езерото.
Стигање на местото иако знаевме каде е, заборавивме дека до трските ке имаме некој 10 метри удолница и нагорнина од некој 40-50 степени. Како не дал господ напреварот поцна во 10:30 ние трските ги фрливме во 12:30 и одма една зртва падна ракетата се скина. Му викам на Кременадла јас малерот сношти го оставив ми одкачи едно крапче ајде нека пројде и твојот ред.
Почнавме добро добивме добри риби уште на почетокот на напреварот што дополнително ни го зголеми моралот бидејки инфото беше дека сме на многу лоша позиција.
Е тогаш почнаа маките. Напорно баравме некој да ни суди на напреварот, таков јунак во нашето здружение не се најде , па и пошироко каде што прашавме .Сакавме судии и од Бугарија ама ништо пропадна и тој план. Морам ова да го напоменам колку колеги крапчии идат и помагаат на спин и мушичарски дружби или лиги макар биле во еден ден или два викенда, ова важи за некој колеги од рибар 2011 и ако беше на 250 км од Скопје некоја помош ке ни беше од големо значење.
Меревме сите колку можевме прузивме максимум мозе не сме за оцена 10 ама за 7 сигурно. За тоа огромна благодарност до Драган-Звер , Чупле , Кико и Трасул кој на неколку пати беше без патнерот во бох.
Ако се задржевме малку повеке у бох јас и Кременадла уловот ке одеше преку 200 кг кај нас. Фалевме наизменично кој на мерење кој на гости нормално ова дружба и тоа е дел од риболовот ама тоа што е. Саботата беше пресудна за нашата екипа во периодот од 12 часот на ручек до !9 часот вечерна ни влезе убава серија на риби и извадивме преку 70 кг риба , што се покажа пресудно за освоеното 1 место , само рутински го доработевме во саботата вечерта и неделата од сабајле и завршивме со 136 кг риба 40 кг повеке од второпласираниот.
Морам да ги пофалам одличните комшии од левата страна Кко, Духот и Божо кој добро ја изработе позицијата, после нив од лева страна беа Профа и Бамса кој и тек како беа закана за нашиот пласман , од нашата десна страна екипата со многу мотиви гладни за риба али со многу грешки нормално на грешките се учи беа едни од најдобрите фати пушти Трасул и Чупле, после нив Милчо, Деки и Стефан опасна екипа со многу удари али ситен крап, после нив десно Аки и Борис многу труд вложен како што кажа и он не биле спремни со прихрана мозеби со повеке би успеале да фата некое рипче плус и на крај десно Предраг и Сергеј на поз 14 кој и тек како сакавме да ни се падне цел предходен ден ја зборевме, ама не била пишана за нас така да демнеше опасност од покрупни риби на таа позиција али како било ке си напишат они.
Ова беше за нашата страна, од другата позоцијата која беше фаворит и од мене прогласена предвреме за прво место Мартин и Марио кој излегоа втори кај застанаа само они си знаат, таму беше рајот на рибите, до нив Виница 1 на позоција 6 исто така фаворит позиција али со мали препреки во вода ама момците ја изработе топ поз до Маце , Дени и Даро, позиција 5 Слави 253 со неговата екипа пружи максимум ама мали крапчиња многу, до него на 4 Јордан и Петар одличен риболов за дружба релакс, после нив Чичко Васил и Станимир теска позиција која држи многу ситен крап во овој период али задоа си имаа кафана до нив и добра сенка, после нив позиција 2 Тафта И Матеј без Спаива поради овбрски, опасни нокни риболовци извлече максимум од позицијата и доби награда за најголема риба и на позиција 1 стари волци Запа ,Роби и Слободан кај нив секогаш е опасно што од риболов што од убава трпеза си изработија и повеке од очекувано.
Тоа беше една моја гледна точка која ја стекнав шетајки по позициите се надевам и дека и други ке написат по некој збор.
Е сега мора да му заблагодарам на Диме -Спаива кој и иако не беше присутен на оваа дружба вложи максимум и одвои време да помогне околу организацијата на истиот , нормално и сите членови на Рибар 2011 кој се ангазираа околу овој цел настан.
Голема благодарност до Слави 253 и Рибоцентар за издвоените стоковни награди и за газдата на езерото Иван кој додели
три награди поправен риболов на последните три екипи.
Верувам дека Мики Лапласт догодина ке се одолжи за прпустот околу пехарите поради презафатеност и за недоагање на дружбата.
Во продолжение по некоја слика кој ги имам јас, се надевам и некој ке дополни со останати фотографии. Ако ви се допадна може да повториме за некој месец.
Честитки до второпласираната Мартин и Марио и третопласираната екипа Профа и Бамса како и до сите учесници.
Ако и некој некаква идеја или критика слободно нека пише.
Бистро

На 22.04.2018 и 28.04.2018 на реката Сатеска се одржаа четирите кола од Мушичарска лига 2018. Учество земаа 11 натпреварувачи, а победници беа:

1 место - Јулио Божиноски од РИБАР 2011

2 место - Зоран Трајковски од РИБАР 2011

3 место - Александар Цветановски од РИБАР 2011

Бидејќи мушичарската лига се одложи за наредниот викенд поради многу висок водотек на Радика и голема заматеност, викендов со Емил го искористивме да го посетиме “рекичето“ кое е едно од ретките места периодов на кое може да се риболови. Водостојот беше релативно висок за рекичето, но за среќа не беше матно како што се матни реките периодов (Радика, Треска итн.)

Ловевме на нимфи, излегуваа помали примероци на пастрмки соодветни за рекичето, активноста беше на ниско ниво, фативме по 10-тина парчиња и нормално сите беа вратени назад. Водата беше 7 степени и најверојатно тоа е причината за слабата активност на рибата.

Неколку фотографии од риболовот. Бистро до следниот риболов

Покрај тоа што го посетивме пред 1 месец, викендот пред Велигден бевме и на риболов 2 екипи.

Водата беше качена поради снеговите, но за купот во Мај ќе биде на идеално ниво.

Големи примероци има доста, но има и доста мал крап од 1кг до 3 кг. Го има во изобилие што за натпревар е ИДЕАЛНО!

Еве некоја слика...