Од 10-13.05.2018 се одржа 9-тиот Јадранско-подунавски куп во мушичарење на реката Џетиња кај Ужице, Србија. На натпреварот имаше 21 екипа, односно 63 натпреварувачи. Од Македонија учество зема една екипа, согласно резултатите од Државната мушичарска лига на Македонија, во состав Јулио Божиновски, Зоран Трајковски и Александар Цветановски (Цакуле) како натпреварувачи и јас како четврто пласиран за резерва. Со оглед на тоа што Цакуле доби принова два дена пред тргање, до последен момент не се знаеше дали ќе дојде или не. Утрото на 13.05 не извести дека сепак нема да дојде и јас го заменив како натпреварувач. За логистика ги земавме Пепи и Емил, требаше да бидеме тројца во позадина, но останаа само тие двајца.
Во четвртокот стигнавме до Ужице, се сместивме, прошетавме малку и на спиење. Во петокот станавме во 05:00, прво на доручек и после на тренинг. За тренингот бевме исто поделени во три дела каде што нема да се натпреварува, па Јулио остана во градот, Пепи и Зоки на среда, а јас и Емил отидовме на горниот дел на реката. Сите имавме улови на тренингот, видовме отприлика на што ќе ловиме на натпреварот, заврши официјалниот тренинг, не вратија во градот и ние правец на река да “дотренираме“. Фативме уште по некоја риба, ги дефиниравме мушиците и отидовме на свечено отворање, дефиле, кратка закуска, па на крај состанок на капитени, влечење позиции, комбинации итн. Вечерта се спремивме, се наместивме и во сабота станување во 05, доручек, собирање надвор и разнесување со комбиња по сектори. Јулио во А, Зоки во Б и јас во Ц.
Реката е релативно мала, како Сатеска и на некои делови малку поголема од Сатеска. Има поточара, младица и липљан (младицата и липљанот се дополнително порибени). Пастрмките што се ловеа беа генерално 20-25/6 см, а липљаните 25-35 см. Младица нормално не се улови.
Во прво коло се упишавме сите (тоа ни беше целта на сам почеток, да немаме нула во било кое коо/сектор) и после прво коло бевме на 7-мо место.
После тоа не собраа комбињата, отидовме на некое излетничко место каде што имаше ручек за сите учесници на отворено, за после ручекот веднаш да се упатиме на стаза. Второ коло, јас во А, Јулио во Б, Зоки во Ц. И во второ коло се запишавме сите, а во генерален пласман се искачивме едно место погоре, 6-ти.
Вечерта во хотел со Зоки направивме дополна на мушиците, па на спиење, во неделата повторно будење во 05, доручек и на стаза за последно 3-то коло. Јас бев во Б, Јулио во Ц и Зоки во А. И во трето коло се запишавме сите тројца и тоа допринесе да се качиме уште едно место погоре во генерален пласман и да завршиме на високото 5-то место од 21 екипа, оставајќи ги позади себе дури и црногорците од Колашин кои лани беа прваци, а преклани вице-шампиони. Тргнавме без високи очекувања, познавајќи добар дел од натпреварувачите и нивниот квалитет, но очигледно и ние сме напреднале, па се пласиравме доста добро.
Во оваа прилика сакам посебно да го пофалам Зоки кој придонесе за добриот пласман со неговото прво место во сектор во трето коло, кога сите имаа 0, 1 или 2 риби, а тој беше прв со 6 уловени риби во мерка. Зоки, иако релативно неискусен во однос на другите, се покажа како одличен риболовец кој допрва ќе прави добри резултати.
На натпреварот се уловија и многу риби под мерка, а судиите не прогледуваа низ прсти ни за милиметар. Мене во прво коло не ми бодуваа пастрмка која беше 198 мм.
Организацијата имаше доста пропусти, малку неорганизирано беше одењето по позиции, судиите не ги почитуваа во целост договорените насоки, во некои сектори имаше мерење за време на натпревар што беше договорено да нема поради простор за манипулации, Емил имаше среќа како супервизор да биде заборавен на крај на стаза и да се враќа пешки после прво коло едно 2 км низ планина, а од другата страна на стазата заборавија натпреварувач од Словенија кој 2 часа чекал некој да го земе (во кањонот немаше мобилна мрежа) и така...
Во секој случај, добар натпревар со одлични екипи од 8 земји и уште едно искуство плус за нас.
Малку фотографии за крај, редуцирав колку можев.
Поздрав и бистро од FF тим Македонија!

Како и секоја година така и оваа се одржа рибар купот.
За жал како и прошлата година така и оваа падна купот да биде надвор од нашата држава.
Се одржа на езерото Бистрица близи до Софија поточно село Безден.
Ова го потенцирам бидејки знам многу колеги ке го прочитаат и ке им кажам дека сме многу назад во одржување на една вода со добар капацитет на риба.
Не помина многу брзо оваа идеа која ја споделив со неколку колеги и така палење колата на Спаива и заедно со Тафта веке сме на езеро. Таму не чека Васил и одма направивме обиколка на езерото со гледање на позициите и не врзан муабет околу езерото.
На прв поглед одлично со добар капацитет на риба , подоцна доагаат Иван газдата на езерото кој се договоривме за условите на користење и ни се придружи и Слави на по едно пиво.
Датумот договорен ама пуста краста не јаде да направиме еден тест на истото езеро па така и тоа го договоривме. Но мене ми искочи некоја овбрска на работа па ја немав таа срека да направам тест, но Спаива ,Тафта и покасно им се приклучија уште 4 колеги од МКД си поминаа одличен риболов.
Па така секој црпнавме по некое инфо од нив како поминале и кој мамци подобри им се покажале и нормално се факаме за работа и да се спремиме за купот.
Иако инфото ни даваше други врсти на мамци ние за оваа кампања се одредивме за два вида на боили( црвени и жолти) мала шала овошни и млечни со вкупна тежина 4 кг и 1.5 кг пченка и по некоја пелетка за пва..
Стигаме во чевртокот на езерото по пат го собравме и Профа и веднаш се фативме за работа со Иван да го обележиме езрото и го поделиме на 15 еднакви позиции каде една карши друга нема да се спојуваат. Но Тафта ми јавува дека една екипа се откажала Пепи и Мики поради кој причини сами нека си напишат, па така исфрливме една позиција која беше и малце лоша за црпење на риба.
Полека почнаа да доагаат и колегите од МКД ни се приклучија Трасул и Чупле па подоцна и Сергеј и Предраг. Ја поминавне нокта во дружба и убави муабети и му заблгодарувам на Иван кој ни дозволи да преспиеме во неговииот објект и под чадорите пред ресторанот.
Сабалјето почнаа да доагаат колегите од Македонија и Бугарија веке сите екипи пристигнати се пие по некое кафе и се чека да почне влечењето на позиции.
Да не се повторувам повеке кој која позиција ја извлече ке ја има подоле фотографијата сликана со позиции.
Нас ни се падна позиција број 10. Како информација добивме дека била многу слаба и дека никогаш не била во првите 3. Како фаворит позиции беа нагласени 1, 6, 7,8 и 15 од страна на газдата на езерото.
Стигање на местото иако знаевме каде е, заборавивме дека до трските ке имаме некој 10 метри удолница и нагорнина од некој 40-50 степени. Како не дал господ напреварот поцна во 10:30 ние трските ги фрливме во 12:30 и одма една зртва падна ракетата се скина. Му викам на Кременадла јас малерот сношти го оставив ми одкачи едно крапче ајде нека пројде и твојот ред.
Почнавме добро добивме добри риби уште на почетокот на напреварот што дополнително ни го зголеми моралот бидејки инфото беше дека сме на многу лоша позиција.
Е тогаш почнаа маките. Напорно баравме некој да ни суди на напреварот, таков јунак во нашето здружение не се најде , па и пошироко каде што прашавме .Сакавме судии и од Бугарија ама ништо пропадна и тој план. Морам ова да го напоменам колку колеги крапчии идат и помагаат на спин и мушичарски дружби или лиги макар биле во еден ден или два викенда, ова важи за некој колеги од рибар 2011 и ако беше на 250 км од Скопје некоја помош ке ни беше од големо значење.
Меревме сите колку можевме прузивме максимум мозе не сме за оцена 10 ама за 7 сигурно. За тоа огромна благодарност до Драган-Звер , Чупле , Кико и Трасул кој на неколку пати беше без патнерот во бох.
Ако се задржевме малку повеке у бох јас и Кременадла уловот ке одеше преку 200 кг кај нас. Фалевме наизменично кој на мерење кој на гости нормално ова дружба и тоа е дел од риболовот ама тоа што е. Саботата беше пресудна за нашата екипа во периодот од 12 часот на ручек до !9 часот вечерна ни влезе убава серија на риби и извадивме преку 70 кг риба , што се покажа пресудно за освоеното 1 место , само рутински го доработевме во саботата вечерта и неделата од сабајле и завршивме со 136 кг риба 40 кг повеке од второпласираниот.
Морам да ги пофалам одличните комшии од левата страна Кко, Духот и Божо кој добро ја изработе позицијата, после нив од лева страна беа Профа и Бамса кој и тек како беа закана за нашиот пласман , од нашата десна страна екипата со многу мотиви гладни за риба али со многу грешки нормално на грешките се учи беа едни од најдобрите фати пушти Трасул и Чупле, после нив Милчо, Деки и Стефан опасна екипа со многу удари али ситен крап, после нив десно Аки и Борис многу труд вложен како што кажа и он не биле спремни со прихрана мозеби со повеке би успеале да фата некое рипче плус и на крај десно Предраг и Сергеј на поз 14 кој и тек како сакавме да ни се падне цел предходен ден ја зборевме, ама не била пишана за нас така да демнеше опасност од покрупни риби на таа позиција али како било ке си напишат они.
Ова беше за нашата страна, од другата позоцијата која беше фаворит и од мене прогласена предвреме за прво место Мартин и Марио кој излегоа втори кај застанаа само они си знаат, таму беше рајот на рибите, до нив Виница 1 на позоција 6 исто така фаворит позиција али со мали препреки во вода ама момците ја изработе топ поз до Маце , Дени и Даро, позиција 5 Слави 253 со неговата екипа пружи максимум ама мали крапчиња многу, до него на 4 Јордан и Петар одличен риболов за дружба релакс, после нив Чичко Васил и Станимир теска позиција која држи многу ситен крап во овој период али задоа си имаа кафана до нив и добра сенка, после нив позиција 2 Тафта И Матеј без Спаива поради овбрски, опасни нокни риболовци извлече максимум од позицијата и доби награда за најголема риба и на позиција 1 стари волци Запа ,Роби и Слободан кај нив секогаш е опасно што од риболов што од убава трпеза си изработија и повеке од очекувано.
Тоа беше една моја гледна точка која ја стекнав шетајки по позициите се надевам и дека и други ке написат по некој збор.
Е сега мора да му заблагодарам на Диме -Спаива кој и иако не беше присутен на оваа дружба вложи максимум и одвои време да помогне околу организацијата на истиот , нормално и сите членови на Рибар 2011 кој се ангазираа околу овој цел настан.
Голема благодарност до Слави 253 и Рибоцентар за издвоените стоковни награди и за газдата на езерото Иван кој додели
три награди поправен риболов на последните три екипи.
Верувам дека Мики Лапласт догодина ке се одолжи за прпустот околу пехарите поради презафатеност и за недоагање на дружбата.
Во продолжение по некоја слика кој ги имам јас, се надевам и некој ке дополни со останати фотографии. Ако ви се допадна може да повториме за некој месец.
Честитки до второпласираната Мартин и Марио и третопласираната екипа Профа и Бамса како и до сите учесници.
Ако и некој некаква идеја или критика слободно нека пише.
Бистро

На 22.04.2018 и 28.04.2018 на реката Сатеска се одржаа четирите кола од Мушичарска лига 2018. Учество земаа 11 натпреварувачи, а победници беа:

1 место - Јулио Божиноски од РИБАР 2011

2 место - Зоран Трајковски од РИБАР 2011

3 место - Александар Цветановски од РИБАР 2011

Бидејќи мушичарската лига се одложи за наредниот викенд поради многу висок водотек на Радика и голема заматеност, викендов со Емил го искористивме да го посетиме “рекичето“ кое е едно од ретките места периодов на кое може да се риболови. Водостојот беше релативно висок за рекичето, но за среќа не беше матно како што се матни реките периодов (Радика, Треска итн.)

Ловевме на нимфи, излегуваа помали примероци на пастрмки соодветни за рекичето, активноста беше на ниско ниво, фативме по 10-тина парчиња и нормално сите беа вратени назад. Водата беше 7 степени и најверојатно тоа е причината за слабата активност на рибата.

Неколку фотографии од риболовот. Бистро до следниот риболов

Покрај тоа што го посетивме пред 1 месец, викендот пред Велигден бевме и на риболов 2 екипи.

Водата беше качена поради снеговите, но за купот во Мај ќе биде на идеално ниво.

Големи примероци има доста, но има и доста мал крап од 1кг до 3 кг. Го има во изобилие што за натпревар е ИДЕАЛНО!

Еве некоја слика...

Денеска последен празничен ден решив да се прошетам до Блискиот Богров, да направам и Јас оркривање на овогодишната риболовна сезона. Демек сефте.
Станувам во шес , пиење кафе , зимам две трски и ппаѓам, за петнаесетина минути сум на паркингот пред езерото и што да видам, како половина Софија да решила денеска тука да е по риба.
Паркирам колата, решив прво малку да се прошетам да видам има ли некаде место да застанам. Е има ама нема, каде и да решев да застанев имав осеќај дека ќе му пречам или на колегата од лево или од десно. И така размислувајќи што да правам, на половина памет веќе бев решен и да се вратам кога ми се јави пријателчето Марјан, се поздравив со него и со другите од друштвото исто мои познати.
Малку муабет, по едно пиво рано на сабајле и некако ме кандисаа да се сместам до нив.

Решив да ловам само со една трска, ќе пречев сигурно ако ја бев извадил и втората.
Од едно две недели на езерото е пуштен поголем број на есетри со тежина од 5-12килограми, па пошто несакав да ловам на голема далечина да не се уплетувам со колегите решив да ловам блиску до брегот, на некои 5-6 метра , ловев целонасочно есетра.
Боила Туна на CC MOORE, комбинирано со мал попап и дип туна.
Резултатот не изостана, уловив една есетра, отприлика 12-13 килограма, најголема уловена тој ден на езерото. Иако до крај немав улов и поред неколку повлекувања се вратив дома задоволен со мојот прв улов во новата сезона.
Еден млад брачен пар запалени крапски риболовци мои пријатели Бојка и Александар имаа исто така убави неколку риби.
Во целина убаво поминат ден со вистински пријатели, ладно пиво, убава скара , по некоја риба.

Ги поздравувам членовите на форумот со нашата последна репортажа од викендот кој измина.

Уживајте во видеото, бистро!

Мал и скромен допринос од моја страна кон браќата спинерџии, едно слајд фото видео за спомен и подсетување на сите од овој прв и историски рибарски настан за нас и Македонија !!!
Ве поздравувам сите и посакувам многу успех во последна рунда а воедно го поздравувам и цел форум, уживајте и бистро !!!

Конечно дојде денот да се прави сефтето за 2018год и тоа баш на прекрасната и уникатна Река Радика !
Зимски услови со снег,ден прилично топол и пријатен,реката одлича со водостој и прекрасна тиркизна боја,рибче позади секое камче,ултра лајт спинот и некој минијатурен спин мамец и шетај цел ден по река,диши воздух и уживај !!!
Ние денот си го поминавме прекрасно чиста 10ка !

Користам прилика да го поздравам мојот сопатник и тандем бате Боро !!!

Сеа како знаеме сите викендов е првата спин лига во мк на оваа река и горе доле на овие места каде ние риболовевме...
Се надевам дека нашата репортажа и видео запис ке им помогне на сите натпреварувачи да имааат представа што ги чека и пробам да им помогнам преку сликите и мотивирам за натпреварот кој следи!
Риба има многу,не многу голема ама ја има и најголем проблем и мајсторија ќе биде да се совлада и извади успешно на спортски начин без контра на јадиците што увидовме дека е многу лесно при најмала луфта во борбата таа да се откачи и избега! Треба соодветна опрема прецизно согласена за тој префинет ултра лајт стил на спин риболов...Ќе треба многу камуфлирање и мајсторија нечујно да се пристапува по тешко достапниот терен без да се вознемири или да не види рибата во таа бистра вода и најважно од све е да се пласира правиот мамец на право место со правилна презентација и излаже итрата радичка пастрмка
Зимска и скијачка опрема задолжително...

Ви посакувам многу успех и среќа на сите натпреварувачи !!!

Ве оставам да уживате во видеото,ве поздравувам и посакувам бистри води !!!

Врз основа на член 42 став 2 од Законот за рибарство и аквакултура (“Службен весник на Република Македонија” бр. 7/08, 67/10, 47/11, 53/11, 95/12, 164/13, 116/14, 154/15, 193/15 и 39/16) и Одлуката за започнување постапка за доделување на концесија на рибите за организирање на рекреативен риболов на риболовниот ревир “Брегалница-Винички“ бр.44-7931/1, Одлуката за започнување постапка за доделување на концесија на рибите за организирање на рекреативен риболов на риболовниот ревир “Брегалница-Штипски“ бр.44-7931/2, Одлуката за започнување постапка за доделување на концесија на рибите за организирање на рекреативен риболов на риболовниот ревир “Вардар 1 - Гостиварски“ бр. 44-7931/3, Одлуката за започнување постапка за доделување на концесија на рибите за организирање на рекреативен риболов на риболовниот ревир “Вардар 2 - Скопски“ бр. .44-7931/4, Одлуката за започнување постапка за доделување на концесија на рибите за организирање на рекреативен риболов на риболовниот ревир “Вардар 4 - Велешки“ бр. 44-7931/5, Одлуката за започнување постапка за доделување на концесија на рибите за организирање на рекреативен риболов на риболовниот ревир “Вардар 7 - Гевгелиски“ бр. .44-7931/7, Одлуката за започнување постапка за доделување на концесија на рибите за организирање на рекреативен риболов на риболовниот ревир “Пчиња 1 Кумановски“ бр.44-7931/11, Одлуката за започнување постапка за доделување на концесија на рибите за организирање на рекреативен риболов на риболовниот ревир “Пчиња 2 Скопски“ бр.44-7931/12, Одлуката за започнување постапка за доделување на концесија на рибите за организирање на рекреативен риболов на риболовниот ревир “Крива Река 2 - Кратовско-Кумановски“ бр. .44-7931/9, Одлуката за започнување постапка за доделување на концесија на рибите за организирање на рекреативен риболов на риболовниот ревир “Злетовска река“ бр.44-7931/8, Одлуката за започнување постапка за доделување на концесија на рибите за организирање на рекреативен риболов на риболовниот ревир “Треска 1“ бр. .44-7931/17 , Одлуката за започнување постапка за доделување на концесија на рибите за организирање на рекреативен риболов на риболовниот ревир “Црна Река 1“ бр. .44-7931/14, Одлуката за започнување постапка за доделување на концесија на рибите за организирање на рекреативен риболов на риболовниот ревир “Црна Река 2“ бр. 44-7931/15, Одлуката за започнување постапка за доделување на концесија на рибите за организирање на рекреативен риболов на риболовниот ревир “Црна Река 3“ бр. 44-7931/16, Одлуката за започнување постапка за доделување на концесија на рибите за организирање на рекреативен риболов на риболовниот ревир “Црн Дрим 1“ бр. 44-7931/18, Одлуката за започнување постапка за доделување на концесија на рибите за организирање на рекреативен риболов на риболовниот ревир “Црн Дрим 2“ бр.44-7931/20, Одлуката за започнување постапка за доделување на концесија на рибите за организирање на рекреативен риболов на риболовниот ревир “Охридски“ бр.44-7931/10, Одлуката за започнување постапка за доделување на концесија на рибите за организирање на рекреативен риболов на рекреативната зона ,,Акумулација Липково” бр.44-7931/13 година, Одлуката за започнување постапка за доделување на концесија на рибите за организирање на рекреативен риболов на рекреативната зона ,,Акумулација Шум” бр. 44-7931/19 година и Одлуката за започнување постапка за доделување на концесија на рибите за организирање на рекреативен риболов на рекреативната зона ,,Акумулација Матка” бр.44-7931/6 (“Службен весник на Република Македонија“ бр.187/17), Комисијата за спроведување на постапки за доделување концесии на рибите за организирање на рекреативен риболов на рекреативните зони формирана од Владата на Република Македонија, со Решение бр. 44-8445/1-20 година од 19.12.2017 година, објавува

ЈАВЕН ПОВИК

за доделување на концесија на рибите за организирање на рекреативен риболов на риболовни ревири и рекреативни зони

Целиот Јавен Повик е во додатокот за превземање (види горе)