И во 2026 година, сајтот http://www.ribar.com.mk и здружението РИБАР 2011 бесплатно им помагаат на риболовците што побрзо да извадат легитимација, или маркица за 2026 година, за оние кои веќе поседуваат легитимација.
Легитимацијата (Маркица за 2026 година) е годишна и ја издава МРФ (Македонска риболовна федерација). Истата чини 400 денари.
За оние кои веќе имаат извадено легитимација преку “Рибар 2011“ во претходните години, можат да уплатат 400 денари за маркица за 2026 година и со таа уплатница да си ја земат маркицата во канцеларијата на РИБАР 2011 во центар, кај Црвен Крст или во некоја од следните риболовни продавници низ Скопје: Сара-Спорт на Битпазар, Блинкер во Ѓорче, кај Сашо Фишерман во Влае, Пет Шоп Ликвид во Маџари, или во Битола во продавницата Бистро Бт и кај Нико.
За сите останати, доколку сакате што побрзо да извадите Легитимација-Маркица за 2026 година, преку мејл доставете ни ги подолу бараните информации и уплатете 400 денари во банка или пошта на следнава уплатница. Веднаш чим уплатите известете не преку мејл дека е уплатено, испратете ни слика од уплатницата и ние во најскоро време ќе Ви ја извадиме легитимацијата-маркицата и ќе ви ја доставиме лично, или испратиме по пошта да Ви стигне дома.
Уплатницата пополнете ја на следниот начин:
Сите оние кои веќе имале легитимација (било која година во периодот од 2008 до 2025), нема потреба да доставуваат слика. Сите оние кои за прв пат ќе извадат легитимација, потребно е да достават слика во дигитален формат преку мејл. (сликата може да биде било каква на кое се гледа лицето на оној кој вади легитимација)
Потребни документи
ЧЛЕНОВИ КОИ ИМАЛЕ ЛЕГИТИМАЦИЈА ВО ПЕРИОДОТ 2008 - 2025
- ИМЕ И ПРЕЗИМЕ
- БРОЈ НА СТАРА ЛЕГИТИМАЦИЈА
ЧЛЕНОВИ КОИ ПРВ ПАТ ВАДАТ ЛЕГИТИМАЦИЈА ГОДИНАВА
- ИМЕ И ПРЕЗИМЕ
- АДРЕСА
- ЕМБГ (Матичен број)
- БРОЈ НА ЛИЧНА КАРТА
- СЛИКА ВО ДИГИТАЛЕН ФОРМАТ (СЛИКАНА, СКЕНИРАНА, СЕМЕЈНА ФОТОГРАФИЈА НА КОЈА ЛИЦЕТО СЕ ГЛЕДА УБАВО)
Ве молиме податоците со потврдата за уплата и сликите да ги праќате на следниот е-маил:
Оваа е-адреса е заштитена од спамботови. Треба да ви е овозможено JavaScript за да ја видите.
Со почит,
Рибар 2011