После подолго време и јас да ставам една репортажа.
Не дека не сме имале и други риболови е не дека не сме фатиле ама оваа треба да остане забележана.
Иста ,, шема ,, на летен риболов во Грција на море, тргнување од Скопје на попладне, за да се фати попладнето и да се риболови до кој колку може касно во вечерта, малку одмор и пробување да се отспие и повторно пред изгрејсонце, уште една рунда на риболов.
Собирање кога веќе запекло сонцето, снемало удари, болат раце и нозе, чешаат убодите од комарци...
Местото на риболов овојпат е Алики

Неколку км. под уливот на Бистрица во море, всушност е марина за чување на рибарски чамци но пред неа има два долги заштитни докови.
Од страните се плитки песочни плажи.
Всушност идеално место за риболов на бранцин бидејки има и камен има и песок, не е длабоко а има и вегетација во водата. Веднаш се осеќа дека ова место држи риба а и се гледа по тоа што има прилично рибари кој ловат најчесто на дубинки.

Срган набрзо по пристигнувањето ја закачи првата риба, мала стрелка ( Bluefish) додека уште беше дење.
Очекувавме дека со доаѓањето на вечерта ке снемува стрелки но ке се појавуваат бранцини. ТАка и беше бидејки ова беше и единствената стрелка што ја уловивме.
Но со сигурност тврдиме дека има и други и тоа многу поголеми.

Имаше бегање на риби и напади како од филм а пред самите наши нозе беше преполовено ова кутро кефалче.
Стрелката е чудовиште.
Досега сум имал среќа да фатам стрелка до два кг. и за среќа удирале на долги минноњ облици на воблери па не го имаат дофатено и конецот, инаку нема конец или ФК што би можел да го издрѓи овој угриз.
Како со ласер пресечено.

Како што се стемнуваше така почна и бранцинот да се покажува дека е тука.
Имаше неколку нереализирани удари, Срган извади еден помал и потоа удри овој

Убаво парче од 2 кг.

Удри на Daiwa од 9 cм Current master

Одличен воблер кој за својата големина и тежина одлично се зафрлува благодарение на оловниот трансфер систем кој сто го има во себе.
Како се стемнуваше имаше се повеке удари, откачувања но и неколку уловени бранцини.

Овој удри на силиконец Nomura ( Проспорт ) на 20 гр. глава од Savage Gear.
Се редеа уловените главно на силиконци ( така и треба навечер се тие фаворити )
Топло ги препорачувам силиконците на Savage Gear - Sand Eel i Black Minnow нa Fiiish.
Уште не беше вистински зазорило го имав мојот најголем бранцин на трска.
Прекрасно чувство на борба со вистински противник.
За жал немаме слики од самата борба туку само откога беше изваден на сигурно, знаевме уште кога удри дека е голема риба и бевме насочени кон тоа да ја извадиме а не да сликаме нешто што не ни знаеме колкаво е.
Како што се појави сонцето толку беше од риболов на силиконци, се вратија воблерите во игра.
Но и тие за кратко време бидејки како што затоплуваше се намали и активноста на бранцинот.
Толку беше.
Вака изгледаше целата лепеза од риби уловена тој ден.
Најголемиот беше 71 цм и 4,4 кг.

Следуваше најтешкиот дел, враќањето дома.
Некој мораше и да вози назад а некој друг беше многу уморен
Репортажава ја крстив незавршена приказна, затоа што за мене овој вид на риболов е како една приказна која нема крај и која се надевам ке има уште делови....

Прекрасно јулско утро , измислено за риболов :D :D :D
малку ни требаше да договориме риболов на Агитис . Веќе на полноќ бевме товарени и спремнио за поход :)

Не пречека убава глетка ... изгрејсонце кое може само да се посака

Стигнавме на локација , трските спремни за една минута , договор кој со каков мамец ке почне и забавата можеше да почне .
Имавме прекрасни удари , се редеа и се откачуваа убави штуки, кленови и по некој буцов

Неколку слики од уловите и се разбира ... уловот на денот , мастер Никола Танчев Кољо со уловот за личен рекорд , штука од 120 сантиметри и 7,1 килограми

Бистро до следната репортажа

Вчера повторно бевме на Радика. Од Скопје тргнавме јас, Пепи и Цакуле, а од Охрид Емил и Јулио. Имавме информации од Тврдко кој беше таму во саботата дека реката се заматила од дождот кај Нистрово, ама се надевавме дека ќе се избистри до неделата.
Сабајлето се најдовме во 05:30 кај Скудриње, се распоредивме кој каде ќе лови и тргнавме кон реката. Реката за жал беше утре доста матна, кафеава. Се разочаравме тотално. Но, после второ фрлање имав удар од убава пастрмка, која ми се откачи на вадење. Брзо после тоа извадив уште 2 парчиња. Рибата беше расположена за јадење :yahoo:
Со Пепи и Цакуле го делкавме делот над Бошков мост до Скудриње, а Јулио и Емил отидоа прво кај Скудриње, ама ја виделе водата многу матна и продолжиле нагоре над Жировница.
Ловевме во прва смена до кај 14:00 кога стигнавме на зборно место кај Музо во Скудриње, до тој момент имавме фатено по 10-15 парчиња секој. Нe се сликавме многу, само инцидентно кога некој од нас одмараше, а тој до него ќе уловеше риба. Заборавивме дека треба да направиме репортажа, ама кога видов дека Јане пак ставил, мораше и ние да ископаме сликите од телефоните и да направиме една. Нема смисла да има нова крапска после викенд, а да нема мушичарска. Секако од спин и тапа одамна не сме виделе ;)
Рибата работеше убаво, ама поголеми парчиња не се јавија. Околу 11 почна да се бистри реката, до 14-15 беше веќе бистра. Сите удари во прва смена беа на принц нимфа, освен 2-3 случаи кога удри по некоја риба и на црвен фазан, ама тоа откако се избристри реката, претходно удираше само на принц, не сакаше на ништо друго.
Инаку, интересен момент беше сабајлето кога се спуштавме кон Радика од Маврово и Цакуле во кола рече “еј, абе јас сум ја заборавил трската дома“ :)
Среќа, носев резервна па имаше со што да лови дента.

После прва смена, седнавме кај Музо во кафана. Тврдко ни се придружи и како вистински “домаќин“ од Радика, не послужи со свеж јагнешки џигер плус по некоја кобасица и плескавица. Мислел човекот на нас, дека ќе дојдеме гладни и изморени :) Поседевме 2 саата во кафана, во меѓувреме се појавија облаци, па почна да врне, па да истура, па пак да врне и околу 16:30 отидовме по позиции да ловиме на сува. Во меѓувреме се случи уште еден пех, Пепи поради невнимание при расклопување, го распука спојот на едниот дел од трската :( Попладнето не гледаше мене и Цакуле и по малку фрлаше со нашите трски, улови и тој некоја риба иако беше без трска.

Ние тројца отидовме околу Бошков да ловиме, а охриѓаниве отидоа едно 500-600 метри над нас. За жал тие слабо поминале на сува, извадиле по 1-2 рипчиња и имале по неколку промашувања. Водата повторно се замати малку, ама тоа изгледа не и пречеше на рибата. За разлика од кај охриѓаните, кај нас рибата збудале, иако немаше големи парчиња, освен што јас и Цакуле откачивме по една голема (ловевме на суви мушици на многу мали јадици), сепак извадивме по 10-15 парчиња на сува. За жал, не сакаше големи мушици, па ловевме на 16, 18 и 20-ки, затоа имавме и многу промашувања и откачувања, можда по 30-40 :mrgreen: Не сликавме пошо збрлавевме :) Единствена слика направи Цакуле кога се сменија со Пепи.

Од едукативниот дел на репортажата, ќе ги издвојам мушиците кои дента беа ловни.

Тргнав спремен со повеќе нијанси на фазани, копери и принцови.. Дента беа ловни исклучиво принцовите

Јас ловев исклучиво на суви ЦДЦ еднодневки направени на #18 јадици

Цакуле и Пепи ловеа прво на ред таг, па после почнаа и тие на ЦДЦ еднодневки на 18 и 20

Бистро на сите до следната мушичарска репортажа

Летово со Емил бевме неколку пати на Радика. Претходната репортажа се случи пред балканското на Тара, а оваа репортажа е од крајот на јули, кога рибата стануваше се помалку активна поради топлото време.

Теренот познат, најубавиот крај во Македонија, риболовна техника мушичарење :) Се ловеше со нимфи во текот на денот, фаворити беа фазан и копер џон, а на стемнување на сува, иако беше послабо од претходно, со оглед на минималното роење на инсекти на стемнување.

Неколку фотографии од теренот и уловот, Радика е рај за очи :)

Повеќе рибари кои ловат во Дојранското Езеро велат дека биле каснати од непозната риба, за која се уверени дека е озлогласената пирана, опасна риба која живее во јужноамериканските реки.

Рибарите се во паника, а според нив на еден нивен колега дури и му бил откинат прстот. За друг пак, тврдат дека бил каснат од пирана на раката, кога сакал да ја отплетка невообичаената риба од рибарската мрежа.

На форумот на ribar.com.mk се појавија фотографии од уловените пирани, како и тврдења дека и претходно се случило колеги рибари да извадат. Најверојатно се работи за аквариумски пирани кои се пуштени од некој несовесен човек.

Тимот на РИБАР направи истражување за овие пирани, наречени "Red-bellied piranha", односно пирана со црвен стомак. Овие пирани се хранат со инсекти, црви и риби. Не живеат во многу големи групи и немаат напаѓачки инстинкт како некои други нивни “роднини“. Познати се случаи кога имаат нападнато нутрии или чапљи, но не и луѓе. Инаку се доста популарни како аквариумски риби.

Од 7-10 јули се одржа 7-миот Јадранско-подунавски куп во мушичарење на реката Тара кај Колашин во Црна Гора. Од Македонија зема учество една екипа, согласно постигнатите резултати на државниот мушичарски куп Радика 2016, односно Пепи, Емил и јас. Бидејќи беше одлучено да се оди со Витото на МРФ кое беше слободно во тој период, се договоривме да одиме сите 6 натпреварувачи од купот, за и другите да видат како изгледа такмичењето и да соберат искуство за риболов на липљан. Така отидовме вкупно 7 луѓе, Пепи, Емил, Кременадла, Јулио, Цакуле, јас и Пешиќ како службено лице од МРФ. Се сместивме некако во Витото и правец за Колашин во четвртокот сабајле.
Попладнето стигнавме во Колашин, се сместивме, апнавме по некоја плескавица на кајмак и правец на река :D

Ден претходно бевме известени од организаторот дека слободните води на Тара (вон ревирот) како и реката Пласница се слободни за сите натпреварувачи од четврток до понеделник за риболов и тренинг, без ограничување и без дозволи. Затоа, веднаш отидовме на почетокот на слободниот дел на Тара, на крајот на ФФ ревирот кај што се организираше купот.

Веднаш почнавме да “тренираме“, да пробуваме и менуваме мушици и си поминавме топ. Со Кременадла останавме последни до 9 сааат вечерта на река:) Со тепање го вадевме чоекот од река, не му се излегуваше

Се вадеа липљанчиња и по некоја пастрмка. Слабо сликавме, немаше кој :)

Вечерта се запознавме со Колашин и се прибравме бидејќи сабајлето одевме на официјален тренинг. Во петокот сабајле се собравме на зборното место и организираторот со автобуси не однесе на тренинг патеката во националниот парк Тара, на реката Тара, каде што е забранет риболовот преку целата година. И таму ловевме, се извади по некој липљан, видов на какви нимфи јаде, другиве ги цепаа на сува, поминавме убаво.

Според кажувањето на локалците и организаторите, реката до пред 2 години била опустошена, се додека не ја земале под концесијата сегашните концесионери на ФФ ревирот и малку ја довеле во ред. Во слободниот дел речиси и да нема крупна риба, а локалците на васер и тирол прибираат се што ќе фатат, па и рипчиња од 7-8 см. Во ревирот кој е долг 7-8 км е друг муабет, таму видовме липљани и од 40 см, на добар пат се, ама се уште не може да се каже дека се богат ревир какви што има на балканот.
После тренингот отидовме повторно на слободниот ревир да се “довежбаме“. Фативме по некој липљан и таму, генерално ги дефиниравме мушиците на кои требаше да ловиме утредента.

Попладнето имаше влечење на позиции, па свечено отворање на купот, каде што прво продефилиравме низ Колашин, па имаше отворање на купот, па на крај коктел за учесниците.

Сабајлето повторно на зборно место, мушичарски тим Македонија.

Додека ние такмичевме, Кременадла и Цакуле сабајлето беа на Плашница, а попладнето заедно со Јулио беа повторно на риболов на слободниот ревир. Убаво си поминале

Во меѓувреме ние се мачевме. Околу натпреварот... Прво коло јас бев во А, Пепи во Б, Емил во Ц. Мене ми се падна последната позиција А16, која беше еден голем вир со 3-4 метри длабина. Многу глупа позиција. Успеав да фатам две риби во првите 10 минути и толку беше за тоа коло. Липљанот беше активен од сабајлето па се до кај 9:30, кога фати убаво припекот се повлече доле на дно и престана да јаде. Пепи помина поубаво во Б сектор, а Емил во Ц за жал немаше риба во мерка. Првиот ден екипно бевме 15-ти во генерален пласман.

Попладнето во второ коло јас бев во Б, ми се падна нормална позиција и извадив 5 липљани и завршив 4-ти во сектор. Пепи беше во Ц сектор, извади 3-4 риби и беше 6-ти во сектор, а Емил беше во најбогатиот сектор А, извади 7 риби и во генерален пласман дента се искачивме на 12-то место. Во неделата сабајле јас бев во Ц, откачив повеќе риби на нимфа копер џон која беше со стисната контра и изгледа затоа лесно ми бегаа рибите. Во последните моменти фатив 3 риби, 2 липљана и едно мало пастрмче кое излезе 19 см, односно беше под мерка, не успеав да го издолжам :) Тие ги фатив на сува, иако немаше видлива активност на позицијата. Пепи во А помина убаво, фати 7-8 риби мислам (резултатите ги заборавив дома, ќе ги скенирам и ставам утре), а Емил во Б исто имаше улов и се искачивме во генерален пласман на 10-то место. Така и завршивме, во првите 10 екипи, што за нас беше добар резултат, односно најдобар на мушичарите до сега во последните 3 години. Имавме шанси и за повеќе, мојот слаб улов во прво коло играше улога, ама немав среќа со позицијата.. Ми доаѓа во првите 15 минути контролорот од Црна Гора и ми вика “немаш баш среќа со позицијава а, срање ти е“ :) И нулата на Емил ни донесе негативни поени, без кои ќе завршевме 8-ми во генерален пласман. Ама што е, тоа е, собравме уште повеќе искуство, поминавме убаво и задоволни се вративме назад :) Организацијата беше супер, немаше проблеми и утки како лани во Босна, се запознавме со нови такмичари и стекнавме драгоцено искуство за риболов на липљан. Од натпреварот немаме многу фотки, само неколку...

И две заеднички фотки за крај :)

….Со Тафта на Вардар пресековме и си отидовме баш кога почна да удира, да си каснеш од газот, ама тоа беше мораше да се иде... тоа беше Сабота...поминавме и на Мавровица да ги посетиме спортистине и да им завидуваме што имаат трски во вода и акција во тек. Бидејќи имав одмор следната недела уште од таму размислував за следна авантура и каде да фатам џенем. Ми требаше целосна кампања која ќе држи малку влага. Следниот ден колата уште не ми ни беше растоварена, размислував да се вратам на местото на Вардар, размислував да идам на Преспа, Козјак и кај ли уште не. Почнав да вртам на луѓе да видам кој е слободен во работни денови, кој е на одмор, кој ќе прави друштво и кај да се здувне. Све зафатено, се со обврски, а јас наоштрен ко Гербер :)... сега слободни денови па кујзне кога пак, идам па ако треба и сам. Во принцип мислам дека идењето сам на риба повеќе денови во некоја дивина колку што е храброст и предизвик, толку е и глупост и лудило и сум против тоа, но овој пат лудакот бев јас и не ме држеше место.

Понеделник попладне се товарив и ја фатив накај Козјак. Земјата гори од жештина, а јас со цел памет растоварање и мкнење цела опрема и камп сам. Ја оставив колата на патот и спуштање надоле накај езеро едно двеста метри натоварен како магаре по неколку пати, душа ми испадна.

Успеав пред само стемнување да се стационирам, исфрлав прихрана, фрлив една трска, втора трска и на фрлање трета трска удар на првата ...радост, неверување, паника, нема никој, нема помош, ќепот не е отворен, ниту пак изваден од футрола....Ајде полека по полека со една рака држи трска и некако контролирај ја рибата, а со друга пробувај да извадиш кеп....не успеав, рибата идеше накај мене, мора уште една рака да мота на машинка да биде затегната рибата, видов не иде, баталив кепот и се фокусирав на вадењето. Добро што крапот не беше некој поголем и некако успеав да го извадам со раце. Подобро добредојде неможеше да биде, првиот крап беше совладан.

Вечерта беше прекрасна. Месечината правеше одлична атмосфера.
Од една страна беше језиво што си сам, но од друга страна имаше активност се редеа повремени удари, дел реализирани, дел промашени, дел влегоа во дрва, повеќе кинења на закачки, генерално активна ноќ и утрина која ме остави без сон, но и ми најави интересна кампања. Она што не беше најдобро е што краповите беа мали, кило, килоипол, две, а имаше и помали од кило.
Се надевав на поголеми, но без разлика уште на старт започнав со селекција и многу крапчиња во оваа кампања си го најдоа патот за назат во водата.
Деновите беа сурови и пеколни. Вистински предизвик и тест од природата. Сам, во околина немаше жив човек, друштво ми правеа само животинки и инсекти.
Без да имаш со кого да направиш моабет, сам да подигаш тенда и шатор, да се бориш со ветерот кој на отворено знае да биде поприлично незгоден, сам да носиш дрва, камења, да затегаш и секако најголемиот тест како да преживееш по цели денови на суровото сонце, без сенка, без дрва во околина и температура над 40. Во околина жив змијарник, под секој трет камен змија, во вода исто така.
Без да имаш со кого да направиш моабет, сам да подигаш тенда и шатор, да се бориш со ветерот кој на отворено знае да биде поприлично незгоден, сам да носиш дрва, камења, да затегаш и секако најголемиот тест како да преживееш по цели денови на суровото сонце, без сенка, без дрва во околина и температура над 40. Во околина жив змијарник, под секој трет камен змија, во вода исто така.
Ги броев минутите во исчекување да падне сонцето и да паднат температурите.
Ги броев минутите во исчекување да падне сонцето и да паднат температурите.
Тоа е Козјак, што да се каже....ама јас ги сакам тие тестови на природата и обожавам вакви предизвици.

Уште една пикантерија на оваа кампања беше кепот кој се покажа како смртоносна замка за змии и други животинки. Уште немам пробано змии, а иначе кампањава имав одлична можност и за таква егзотика. Во една од вечерите кога го извадив имаше внатре две риби, една жаба и 6 змии заплеткано...ама така заплеткани што ни Bear Grylls не би знаел како да ги извади.
Толку змии во живот немам фаќано. Мораше да игра ножот и едно сат време ги вадев од кепот, права хорор-касапница.
Во делот на рибарлукот после првата вечер имав големи очекувања, но втората вечер веќе ми најави дека работите нема да одат во добра насока. За разлика од првата вечер кога имаше активност, имаше и скокови, втората и третата вечер немаше ни удари, ни скокови. По мене тоа се должеше на континуираното паѓање на водата и моја претпоставка е дека крапот, пред се поголемите први почнаа да мигрираат кон подлабоките делови на Козјак. Јас ловев на уливот и моја препорака е ако некој во скоро време иде на крап да оди кон внатрешноста на езерото затоа што водата и понатаму е во пад.
Преку ден имаше тук таму некој удар, пред се сабајле до кај 10.
Не искочи нешто поголемо, но кампањата понуди солидна активност, сигнализаторите работеа, имав сигурно околу 20 удари, имав многу риби кои ми отидоа во дрва бидејќи ловев на тежок терен.
Доста кинења, но и 10-тина извадени крапови. Земав 3, а останати ги вратив назат.

Едно од поубавите видеа кои ги имам направено е ова видео кое претставува одлична симболика дека кога селектираш и враќаш риба назат езерото знае веднаш да те награди.

На крајот би сакал да упатам порака да ги споделите вашите рибарски доживувања со останатите рибари тука на форумов. Јас на оваа кампања бев сам во поприлично сурови услови, но сепак не ги заборавив форумџиите и се потрудив да усликам, уснимам и споделам што повеќе рибарски моменти. Се надевам дека и другите кои беа или ќе идат по риба ќе ги споделат своите доживувања.

Оваа година повторно на одмор во соседна и пријателска Грција. Место Торони првпат таму, вода прекрасна бистра, клима одлична. За разлика од други години кога само еднаш или ниеднаш, практикував риболов исклучиво на вештачки мамци. После пристигнувањето имаше мало разгледување на околината и можните места за риболов. Позади тврдината која се наоѓа на левиот крај на местото има едно мало заливче во кое никој не доаѓа на плажа, ми се виде интересно и првиот пат отидов таму. Но ништо, фрлав некои воблери за мене огромни, и површинци но удар немав. На враќање накај хотелот застанав на плажа да пофрлам уште некоја рака и оп првата моја морска риба на спин на море, иглица. По неа уште една па неколку откачувања. Интересно.
После два дена пак на вода пред разденување, активност на риба страшна, летаа игливи и други риби на сите страни. Почнав да фрлам, нејќе. Другите рибари си одат, ја упорен, си викам кај ќе рипне таму ќе фрлам. И бам нешто удри на површинец, влече ли влече, и излезе еден убав Шнур (Кокали на грчки), ја пресреќен. Менувам воблер почнувам да мотам и удар како камен, машинката зуи, и после подолга борба излезе Паламида.
После два дена ете ме пак, на плажа во темното пред разденување, и пак акција и повторно Паламида и уште две риби што незнам кои се.
Последниот ден пак на плажа ама пред стемнување, три удари, една риба извадена Шнур за крај на убавиот одмор.
Фала на колегите за советите за риболов на море, фала на Ненад за воблерите.
и за крај слика од мамецот со кој имав највеќе удари и извадени риби.

Повторно на истото место започна четиридневниот риболов, Јас Станимир и неговиот син Дидо.
Бидејки си го знаеме местото брзо се распакувавме, припремивме трските , малку прихранување и риболовот започна.
За разлкика од прошлиот пат сега немавме риби над десет килограма но тоа во ниокј случај не влијаеше на нашето расположение.
За мене секоја уловена риба е убава без обзир дали е сто грама или десет килограма.
Малку фотографии од Суки Лејк, штета што ниту еден колега од МК не собра сили да дојде да се дружиме.
Здравје, има денови, така викат

Да разбиеме малку монотонија со крапскиве репортажи, со Емил решивме да направиме една мушичарска репортажа :)
Како дестинација ги одбравме Радика и Сатеска, како еден вид тренинг пред претстојниот државен куп во мушичарење кој ќе се одржи на 26.06 во недела на Радика.

Во петокот отидовме на Радика. Почнавме да ја одиме од долу кај Бошков мост нагоре. Сабајлето не пипаше рибата (очекувано, претходниот викенд кога бевме на Радика со Цакуле до кај 10 не сакаше да пипне), ама кога затопли убаво кај 9 ипол - 10, почнаа да удираат ;) Радика беше намалена од претходниот викенд, ама се уште брза.

Првата пастрмка удри кај мене, убаво пастрмче, само 3 минути откако се слушнав со Марјан од Германија и буљашот ми посака среќа во риболовот :) Еве и јавно да му се заблагодарам

После неа извадив уште 2 малку погоре.

Во меѓувреме го чекавме првиот улов кај Емил (пастрмчето од 13 см претходно не се броеше). Таман сакав да тргнам нагоре, кога позади една карпа видов како му удира една убава пастрмка. Емил во прв момент не беше свесен што му удри :)

Борбата траеше неколку минути, дел успеав да снимам. Има мал прекин во видеото, кога стиснав пауза и сакав да му помогнам да ја кепне за да не ја изгуби, ама Емчо се снајде и пастрмката заврши во кеп

Погоре и јас вадев по некое парче, а вежбав и кепање во лет

Извадивме по уште некое парче, поситни додуше. Фати топло, одмаравме во кафанчето во Скудриње и попладнето направивме уште една тура. Попладнето послабо јадеше, мене ми скина една убава пастрмка цел систем со 3 нимфи, фативме по некоја поситна, па ловевме малку на сува пред стемнување, ни удрија по неколку ситни и тоа беше се за петокот.

Во саботата отидовме на Сатеска, во најтоплото. Почнавме да ловиме од 12 саат и неочекувано за мене, уловивме доста бројчано, иако немаше некој голем примерок.

Емил на прво фрлање во река улови пастрмче

Удираа цело време, во секој вир вадевме по 5-6-7 парчиња заедно.

Ловевме до кај 14:30, 2 ипол часа и фативме по 10-15 парчиња по човек. Сите беа пуштени назад.

Попладнето тргнавме на друг дел од реката, во почетокот не сакаше да јаде и таман попладнето кај 18:30 кога почна да удира убаво, при преминување на едно дрво се лизнав и паднав и малку го наполнив комбинезонот со вода, па моравме да прекинеме со риболовот. Тоа Цакуле ме зарече бидејќи претходниот викенд тој се бањаше во Радика и сеирот беше неизоставен. Сега мене ми дојде редот :) Среќа, Емил нема слики од тие моменти :D

Во неделата времето беше шугаво и решив да одморам, Емил и Јулио отидоа на уште една тура мушичарење, ама слабо поминале, не придонесоа со фотки за репортажава :D

Бистро на сите до следниот викенд