www.ribar.com.mk

Маркс,
Сите се рибари овде (така барем мислам)
И сите знаат дека рибата од главата замирисува !

Во однос на Форумот. Иако имаше дискусии дека стагнира (очигледно) т.е. намалена е активноста на членовите, мораме да земеме во предвид дека е зимски период и намалени се активностите и во риболов, нема натпревари и се друго што се случуваше околу динамиката на постирање и мерките околу почитување на правилата, мое лично мислење е дека Форумот не е во некоја длабока криза и дека полека замира. Напротив. Мислам дека е време да се посветиме на суштината на нашава пасија, опрема, мамци, тактики, прихрани и сл. Но кога пишувам за некаква прекретница најмногу мислам на следново:
Време е да се отворат и разменат вистинските знаења, сознанија и искуства. Многу аир од меѓусебните подбуцнувања, навреди, празни расправии (а тоа рака на срце и им беше многу интересно на голем број членови) нема. Најмногу научив од другите форуми, затоа што таму се искрени и не им е крајна цел да докажат на кој му е поголем. За жал, кај нас после три последувателни Форуми, се случува истата приказна. Поинтересно ни беше кога тројца, четворица дежурни критизери се мезеа кога некој грев ќе постираше микс, добра опрема или тактика. Еден обичен став може да се прикаже на многу начини. Мислам дека е доста веќе од стравови некој да не не направи салата ако постираме некој микс или добра опрема или дека ќе ни ги украде тајните во риболовот. Колку толку, расчистена е ситуацијата и модераторите се согласни дека повеќе внимание треба да се посвети на спречување на такви бескорисни, егоистични расправии и навреди. Кажи си го своето мислење и став, но притоа почитувај го и спротивното мислење и сознание. БЕЗ ЛОШИ ПРИДАВКИ, ЕТИКЕТИ И НАВРЕДИ. Третирај го туѓиот став и мислење, НЕ ЧОВЕКОТ. После толку години поминати во оваа приказна слободно стојам зад сознанието дека и најидеалниот микс, бојла или опрема, на терен не е секогаш таков. Ниту риболов на иста позиција во размак од една недела, НЕ Е ИСТ. Затоа слободно повелете постирајте, да размениме некои работи од риболовот, а притоа да останеме ненавредени и да дојдеме до нови сознанија. Мислам дека се разбираме. На пост кој одговара на друг пост, почнувајќи со зборовите - што тропаш глупости, поголема глупост не сум прочитал, не ги лажи луѓето, никогаш нема да научиш, дрва дрвосани - турете им пепел. Да го оставиме она што ни беше багаж од минатото. Рибар 2011 има добри дечки, има членство кое е посветено и сигурен сум дека нема да ја доживее судбината на МКА или некој друг згаснат Форум. Напротив.