Езерото е магија. Шварцвалд услови и околина. Овде природата не дарила туку истурила. Класниот се обиде да ме испровоцира да направиме споредба со други ревири. Јас само кажав што нема во Крушево. Нема комарци, нема жаби (во инвазиона смисла
), нема змии, треви и закачки, гуштери и пеколни температури и сл. За помали натпревари со максимум до 10 екипи, езерото е лудница.
Како го доживеав овој куп?
Бидејќи ми беше познато одпорано и покрај информациите дека е тазе порибено, не очекував дека ќе има таква акција и таков улов. Биперите пиштеа некаде многу често некаде ич. Важно нон стоп се слушаа (особено кога некои префрлаа и го затегаа конецот
). Не дека сум многу паметен, но претпоставував дека поактивни ќе бидат позициите 1, 2, 3 и 4. Сум го папал на позициите 5, 6 и 7. Реално, многу голема разлика е помеѓу овие позиции. Рибата едноставно ретко поминува покрај брегот накај браната од 5-ка натака. Голема длабочина и единствената надеж лежеше да се стаса одспротива, накај трските.
Позиција еден е најдобрата позиција на ваква поставеност на боксовите. Но треба и да се изработи и да се достаса на околу 100 м. оддалеченост. Мајсторите од Велес покажаа дека сето тоа го можат на најдобар можен начин. Единствена замерка за нив е дека стално нешто им се случува околу јадици, конзерви шеќерац, бојли ( во количинска смисла). Тоа резултираше со повеќе од 30 откачувања
Честитки за победниците. Стартуваа стравично. Дваесет удари за неколку часа. Имаше периоди кога им пиштеа сигнализаторите на секои пет минути. Уживанција. Да беа малку подобро подготвени ќе имаа повеќе од 150 кгр. Своето учество на овој куп го одбележаа со исполнување на сите добри работи во крапскиот риболов. Ловеа најдобро, беа одлични домаќини во боксот и супер се дружеа со сите други екипи. Зајакот дури и запеа.
Со еден збор го обоија овој куп со она што е најубаво во овој наш убав спорт.
Дечките од Кичево најпријатно ме изненадија. Импонира нивната скромност и на сите останати гледаа со почит. Ловеа тивко и успешно. Се надзира екипа која може да се вброи во успешната иднина на овој спорт. Опремени со подобро од 80% од активните натпреварувачи и одлично работат. Мене ми заликуваат на тивки лавови кои кога ќе се разбудат во иднина долго ќе егзистираат на врвот.
"Пензионерите" се приказна за себе и мислам дека можеа да го направат овој натпревар поинтересен ако го искористија моментот на стагназија на зајците од околу 20-тина часа. Познавајќи го теренот, ловевеме на ивицата од каналот со различен интензитет зависно од движењето на рибата на околу 60-70 м. оддалеченост и на околу 3, 3,5 до 4 метри длабочина. Сакавме да пробаме и зиг-риг. Дури имавме и спремено нешто прихрана и подвези, но немавме услови за тоа според теренот. Прихрана стандрад, со зрнеста храна и дробени бојлички, мамци 50% бојла 50% (задолжително со ПВА додаток), стара добро варена царевка, шекерац и марош пченчиња од кај Пепи, утопени во малку дипче (како и прихраната) и во разлини периоди различно беа ефикасни.Уште првиот ден, после неколку успешни реализации и едно или две откачувања го сменивме подвезот и ловевме на нестандардна поставеност и врзаност на јадицата. Се покажа како успешно бидејќи имавме само 3 откачувања (за разлика од зајциве) и неколку повлекувања кои не завршија со закачување. Задоволни сме од резултатот и прекрасното дружење.
Во целава оваа наша проказна ме одржуваат моменти кога ќе запознаам нова фаца. Го имав задоволството да го запознаам Оки (Милчо го знам поодамна
)и таква позитивна енергија што овој прекрасен човек ја шири околу себе одамна не сум доживеал. Конечно мислам дека овој тим ги поклопува сите потребни лончиња и доколку се во можност силно им препорачувам да продолжат заедно. Според работата и знаењето, во нив се надзираат врвни резултати и успеси.
Нешто да биде јасно, Предраг и Тафта не ловеа да уловат, туку ги исполнија до крај обврските за учеството на СП. Мислам дека се најдобро подготвени и самиот куп го искористија за "маките" кои ги очекуваат во Перуџа. Според она што го видов, ги поседуваат сите карактеристики за висок резултат.
Голден крап за мене најпозитивната и најсилната екипа моментно во Македонија. Јас сум сериозен кога тврдам ддека било која друга екипа да го имаше "ксметот" да го доживее она што тие го доживееја во Лигата и на купот, че се откажеа од натпревари. НО, кај нив не исчезна насмевката ниту сега. Весели и дружељубиви, како да имаат пласман во врвот и многу уловени риби го одработија и овој натпревар. Затоа и одиме напред. Ваков човек како класниот, покажа дека е истраен до крај и покрај спортските резултати сепак продолжи да ја води работава кон успешни денови. Секоја чест Претседателе и господ да те поживее да издржиш на оваа патека. А успесите мои и на другите, секогаш ќе бидат и твоја заслуга. Браво и респект.
Јанко се потврди дека не случајно е во врвот во моментов. На лоша позиција (како и на Црничани), пак искамчи улов и си оствари пласман. Веќе е прераснат во врвен мајстор и господ златен сето тоа да му резултира со добра позиција и добар резултат во Италија.
Сепак, се се сведува на количината на риби во езерото. Ако оваа езеро доживее присутност на еден тон ваков квалитетен крап, замислете каква бајка ќе се случи. Се заговара и Лигата да ја преселиме таму (делумно или целосно) па онаа опција два викенда едно коло и не е неизводлива. Бидејќи доживувањето на природата и самиот натпревар во Крушево е посебна приказна, ЈАС СУМ СО ДВЕТЕ РАЦЕ ЗА.
Регистрирај се
Најави се
ЧПП
Членови
Државен куп, а само СЕДУМ ЕКИПИ
Тогаш да правиме куп само со 3 екипи
![[ img ]](http://i61.tinypic.com/2episs9.png)
gledam deka treniras so Predrag koj isto taka izbori plasman na svetsko,znaci od dvata tima trenira samo po eden clen.Taka da teretot ke padne na vas dvaica.![[ img ]](http://www.ribar.com.mk/filip/potpis-filip.png)