Samo ne mi e jasno zosto pak emil.matoski se najde povreden sto nekoj anonimno otkriva sto se pravi po ohridsko/struskiot region
Концесионери на повеќето риболовни ревири во МК се ЗДРУЖЕНИЈА НА РИБОЛОВЦИ.
Што значи ова?
Ова значи дека риболовците се здружуваат за да заштитуваат, порибуваат, спортуваат, рекреираат... на некоја река, акумулација, езеро.
Кој профитира од сето ова?
Профитираат самите риболовци, нормално ако се задоволни од сработеното.
Парите што се собираат во тие здруженија се трошат за плата на рибочуварите, порибување и други работи пропишани во Закон, НИКАКО за плата на членовите од управните одбори.
Кога веќе спомнав управен одбор, што значи тоа?
Управен одбор се неколку луѓе избрани од страна на членовите на тоа здружение кои треба да управуваат со здружението, во случајов со концесионерот. Никој од нив не зема плата. Сите тие се ВОЛОНТЕРИ. Ако не ја работат работата како што треба, можат и мораат да бидат сменети.
Што работат тие кога е заштитата на ревирите во прашање?
Еве јас ќе кажам за мене. Оваа 2012 година на терен сум излегол заедно со рибочуварот повеќе од 50 пати. За ова не земам никаков паричен надоместок, туку ТРОШАМ СОПСТВЕНИ ПАРИ за кафе, сок, доручек, ручек ... најмалку по 200 - 300 ден. од секое излегување. Неважно, ми причинува задоволство да присуствувам на тие контроли и акции затоа што знам дека тоа го правам пред се за мое, но и за доброто на останатите риболовци.
Да ги оставиме парите настрана. Дали на тие контроли и акции треба да одам маскиран? За да не ме препознаат рибокрадците или риболовците кои не сакаат да извадат дозволи. Можеби треба за да се заштитам од расправии и закани, но не се маскирам. Не се срамам и не се плашам да им кажам на несовесните риболовци и на рибокрадците дека треба да се почитува законот и точка. Но кој сум јас за да го спроведувам законот? Јас сум обичен риболовец кој сака ред на водите, ништо друго. Јас сум исто што и Carp fishermen. Разликата е во тоа што јас сакам да ги менувам работите и работам на тоа, а некој сака само да кажува што нечини и да чека друг да ги решава проблемите, а згора на се уште ќе поставува гатанки и слично, па погодете кој беше. Да ти пукне душата, и уште борец против рибокрадци. Па излези прво од подкревет, или каде се криеш, не за друго за да можеш полесно да се удираш во гради. Добро што Carp fishermen не ја исекол сликата како сложувалка па да требаше да ја составуваме. Што е најинтересно, не знаеме ни од каде е рибата. Наместо да соработува со концесионерот за негово добро, тој објавува цензурирани слики и се удира по гради дека се бори за заштита на рибите. И, да ја објави сликата без цензура, што би направиле? Само би поверувале дека Carp fishermen е сериозен човек и загрижен за рибниот фонд, а сите на форумов само ќе констатиравме дека од оваа слика нема доказ за судење, ама позитивно е што човекот од сликата ќе беше држен на око за да не го повтори делото.
Јас сум претседател на концесионерот на „риболовен ревир река Црн Дрим 1“. Мислите дека ова е некоја висока функција ако немате други луѓе, пред се од риболовците, кои ќе застанат зад вас ?!?! Оваа 2012 година, ЗРСК Пастрмка - Струга во најтесна соработка со инспекторот Јован, има поднесено точно 12 пријави за незаконски риболов. Во сите пријави, освен во 2 каде што фигурира само рибочуварот Танче, како сведоци се наведени Емил и Јован. Што значи ова? Ова значи дека Емил и Јован не се скриле зад некои маски и излегле на терен, се расправале со некои битанги, обезбедиле матерјални докази или фото матерјали и на крај се појавуваат да сведочат на суд каде уште еднаш треба да се сретнат лице во лице со битангите. Во меѓувреме, бидеќи сме мал град, се јавуваат роднини и пријатели за да не молат да не пишуваме пријави, па кога нема да им помине зборот се лутат и така до недоглед.
Што доколку во вакви акции, заедно со рибочуварот и инспекторот, се вклучат и други риболовци?
Ќе имаме многу подобра заштита на рибите, а со тоа и многу подобар ревир.
Што добивам јас од целава оваа работа?
Нервоза. Кавги. Намален буџет....
Парите што можеле да завршат за риболовна опрема или за добар риболовен излет сум ги потрошил на терен за кавги со битанги, за разлика од некој друг што ќе се удира по гради дека е заштиткик на рибите, а од друга страна само трската во рака и што е можно повеќе да се улови.
Вистински многу непријатели се стекнуваат на терен, но и пријатели. На секои 10 битанги што ќе ти постанат непријатели ќе добиеш 1 пријател. Тој еден пријател мене лично ми е многу поважен од другите 10.
Добивам полна душа кога ќе дознам дека некој од пријавените е осуден и дека повеќе нема да ни претставува проблем.
Срцето ми расти кога ќе видам едно чудо риболовци нареден на Црн Дрим и сите задоволни од уловот и од направениот кејф, без никој да ги ремети во уживањето.
Читаќи го ова, човек ќе рече „браво Емил, па кај вас е се совршено. нема рибокрадство, нема проблеми, се е под контрола“ или „или Емил е луд, или мисли дека ние сме луди и го веруваме дека се е под контрола“.
Не пријатели, не е се под контрола во ниту еден ревир во МК, а не сме исклучок ниту ние во Струга. Државава не ни е под контрола што остана за риболовните ревир, туку ај ...
Има многу проблеми за решавање, а и треба луѓе за тоа. Луѓе за работа, а не за криење.
Оставете гатанки и сложувалки. Оставете ги луѓето што сакаат само да подбуцнуваат, да гледаат сеир и да се кријат зад борбата против рибокрадци. Секој што сака и може нека даде конкретен придонес во борбата, а тој што не може и не сака - нека не смета.
„Тежок бој не чека, а ние сме малку. Само една чета“
Филип, со бројките, мислам дека ќе ме разбериш зошто ми се појави алергија на муабетот од Carp fishermen?
Регистрирај се
Најави се
ЧПП
Членови
![[ img ]](http://i46.tinypic.com/wskbpx.jpg)
![[ img ]](http://photos.lasvegassun.com/media/img/photos/2009/05/21/Carp1_t653.jpg?214bc4f9d9bd7c08c7d0f6599bb3328710e01e7b)
![[ img ]](http://i61.tinypic.com/2episs9.png)
, а личностите нека се преиспитаат ЗОШТО
