www.ribar.com.mk

Гоце не генерализирај безвезе, кога зборуваш треба да зборуваш со аргументи, а не од памет, јас ти пишав така затоа што сум израснат на потегот на Вардар во Хром и Карпош, повеќе од 20 години сум таму, можам да ти кажам од Тихач на кривина, преку Карпа, преку Железничкиот мост, Каскада, Обединети нации, скршената каскада, па се до улив со Лепенец, на секои половина метри што има од конфигурација на терен во вода и надвор од неа и све друго што те интересира, имало години и месеци посебно кога сум бил во основно и средно, кога секој ден од изгрејсонце до темница сум бил таму на Вардар, па сепак не си дозволува да вадам експертиза за тоа која риба и под кој камен се мрести, нема место каде не сум влагол и не сум се бањал на целиот тој потег, во врска со мрсестењето можеби нешто знам, можеби сум слушнал 300 рибарски моабети, можеби сум видел, ама пак не давам тврдења, ниту пак заклучоци за тоа. Затоа те прашав што си по струка, јас сум правник по струка, а риболовец по хоби и неможам да се дрзнам на Професор по рибарство да му тврдам дека појма нема што збори и дека ја како рибариште по струка ќе му кажам што е вистината. Не треба да избрзуваш со заклучоци и тврдења, на иста страна сме, риболовци загрижени за рибата, за времињата кои се сега и кои биле порано, за тоа што бојникот го нема како порано, за тоа што мрената ја нема како порано, за варирањето на водата и новите услови во Вардар во кои последните 5-6 години рибите живеат, за старите добри времиња во кои на овој потег на Вардар неможеше место да фатиш....ама тоа е, се менуваат времињата, тука сме да разговараме, а кога разговараме не треба да има тенденциозност и зборење од памет,.....“До сега вас не сум ве видел на овој потег“....каков ти е овој моабет ?? од памет....па и ја не те знам лично и што треба да кажам сега “Гоце јас тебе не те знам лично, ти никогаш не си ловел на овој потег, врска немаш што збориш“.......не е во ред за темите вакви безвезе моабети, треба да зборуваш со аргументи, а не со страст

Во целост се сложувам со Борис,Гоце очигледно сака да биде Папа поголем од Папата...ако ме разбирате што сакам да кажам..вакви зборови да се упатат кон првиот човек на федерацијата е многу невкусно и неморално...
За каскадата на кратко....уште како дете гледав како рибата се протнува низ испустот од левата страна на каскадата и гледав како заминува низ Лепенец,значи постои можност рибата да помине низ каналот и тоа и го прави... барем така беше порано кога имаше крупни,здрави и силни примероци на риба кои без проблем минуваа низ оваа препрека...е сега проблем е можеби што тука нема повеќе вакви крупни риби и неможат да ја поминат препреката...
А за мрестење на рибата од Лепенец,некоја друга прилика....

_________________

Сашо, се е во границите на нормална дискусија Да не беше, ќе беа избришани коментарите

_________________
Животот е досадното време помеѓу два риболовни излета...

Не е за Федерација, је..ш федерација, сигурно дел од критиките кон федерација држат, и јас сум го критикувал Васко и федерација и понатаму ќе критикувам таму каде што држи, ама паушално да напаѓаш Професор по рибарство дека он везе нема каде се мрестеле рибите, а Гоце како “рибар“ по професија знаел повеќе, тоа е во најмала рака смешно,.....или пак да лупаш моабети на памет во стилот “врска немате Вие не сте поминале на овој потег“ кон други колеги на форум е некоректно

_________________

Колега Сашо ј се гледа дека одавна не си поминал на каскада Лепенец,тој канал што го спомнуваш,секоја година се затвора природно со гранки,трупци ѓубре и останати работи,секоја година се чисти од совесни рибари,тоа што може да се очисти,меѓутоа во каналот има заглавено еден огромен трупец а останати се и огромни карпи уште од градба на кејот,кои се причина за закачување на секаков вид на ѓубре.за ова беше известен благовремено градоначалникот да ни помогне во чистењето со меил,од негова стана ниту одговор ниту помош,тоа што можевме очистивме.Овој канал што го споменуваш ,намерно се затвора баш во мрест, рибата да остане на каскада,за полесно да се изловува со мрежи сертмиња и останати недозволени средства.Ова се аргументи од моја страна,сега колегите нека донесат заклучок дали рибата од Вардар може да се мрести во Лепенец или се мрести на каскадите кои вештачки го попречуваат патот на рибата,за ова не треба да си експерт или не знам каква диплома.Прочитај го тоа што Филип го објавил од службен весник,размисли малку па потоа дај мислење.Тоа што нема крупни примероци во последниве години е токму не можноста на рибата де отиде на Лепенец,а со пустошење на коритото со багери и булдожери,т.е. рамнење,рибата нема каде да се задржи,ова рамнење зачести па во идно време можеби навистина да го направат мрестилиште само на царево,што мислам дека ќе биде успех на сите нас,што може да не претстави и во светски рамки.

Колега Борис со ова сакаш да докажеш дека при очи да бидам слеп и при уши глув т.е. ако експертот се изјасни дека составот Лепенец со Вардар е природно мрестилиште на царево куре јас во тоа треба слепо да верувам,можеби со багери и булдожери е тенденција да биде такво нешто,но сега за сега фала му на создателот се мрести и друга риба.Друга работа, не е важна професијата,важно е тоа што ќе го искажеш,го ценам исказот на експертот можеби и го навредив за тоа му се извинувам но праксата покажува други работи на терен,не е толку едноставно како во учебниците,не е пресудна професијата туку нашето внимание на терен,не е само да се улови рибата,треба малку пошироко да се гледа.Професијата може да биде плус ако се поврзе со праксата на терен а може да биде и голем минус ако слепо се држиме за теорија без пракса,или искуството на долгогодишните рекреативни риболовци.За овие 30 години и твоите 20 не сме се сретнале што не значи дека нема да се сретнеме и да размениме некое мислење како што велиш за ревирот од детството,што се уште не би го менувал за ниедено друго.Да се потрудиме овие природни мрестилишта да ги заштитиме,верувајте дека нема да има потреба ниту од порибување ниту од чистење на корита,ќе има риба за сите,дури за порибување на други реки,поздрав и секое добро.Инаку за место и сега не можеш да фатиш на каскада Нерези од двете страни се џапа на големо со трокуки, поштените риболовци немо гледаат и се чудат без глас.

Пријави кај концесионерот Вардар, нека ги пушти чуварите да направат проверка.
Согласно законот, трокуката е забрането средство за риболов, во ист ранг со мрежите, и подлежи на иста казна!

_________________
Животот е досадното време помеѓу два риболовни излета...

Уништувањето на коритото на река Вардар,за жал и оваа година стави крај на сите надежи, дека нешто ќе се придвижи кон средување на речното корито, за живот на рибата, која е нападната од сите страни,како нејзината животна средина така и самото речно корито нејзиното живеалиште.Вардар, од мостот Обединети нации до каналот од Тафталиџе,го смени личниот опис така да ако некој риболовец случајно не бил долго време на овој потег,сега нема да го препознае.Уништувањето се одвиваше со еден багер и еден камион,од двете страни на река Вардар.Коритото на река Вардар после нападот не надминува половина метар,сите дупки се затрпани со песок и речни камења,не остана камен на камен,сето ѓубре кое беше таложено со години на брегот внесено е во водите на Вардар,за да се намали работата на камионот,наместо во камион- во река, корења, тиња и секакво ѓубре.Сето ова се одвиваше пред очите на љубителите на природата кои шетаа по кејот на Вардар.Сите природни острови, се откорнати и внесени во Вардар,со што коритото стана равно поле длабоко пола метро.Нека остане ова како писмен документ за следните генерации,да осознаат колку сме биле уништувачко расположени кон се што не опкружува,кон постоењето,кон природата.За чудо ниту еден напис,ниту еден апел од толку служби,здруженија и што уште не,за екологија и заштита на природата.Природното корито дефинитивно е мртво,затрпано со песок, камен,корења и секаков вид на ѓубре,израмнето со багер.Ете на кое ниво ни е свеста на сите нас без разлика дали сме во некое министерство за екологија, здружение или неми посматрачи,сите сме учесници во насилството врз природата,ако не не бива за чистење, за уништување сме најдобри,секоја чест, со еден багер и еден камион, успеавме за еден месец,да го уништиме коритото, кое природата го градела одкако тече Вардар,вака ако продолжиме со багерчево може чуда да праиме не само во нашата држава Македонија,можеме да го извеземе овој изум во цел свет,како да се уништи речно корито за месец дена целосно.

Гоце не заебавај !!!
Можеби некој конкурирал за Гинисовата Книга на Рекорди

• • - КАКО ДА СЕ УНИШТИ ЕДЕН ЕКО СИСЕМ ЗА МЕСЕЦ ДЕНА

Па што се кеколку метри (километри) речно корито !!!