Илија, 100 евра дозвола и 15 мушичари...
Прво, нема да најдеш 15 мушичари што ќе платат по 100 евра за Треска, бидејќи сите знаат што се случува по Треска, кој се лови на неа, низ кои села поминува. Треска личи на ФФ ревир до првото село, надолу е ѓубре, ѓубре и само ѓубре. Јас на нимфа вадам маици, кондури, магарешки нозе, лименки... Тоа не е ФФ ревир.
Е сега, за Вардар да ти даде 2 км од Треска до првото село за ФФ ревир, и за да има 3-4 чувари колку што мора да има во тој крај (секој чини по минимум 20.000 денари бруто плата месечно што е 80.000 денари месечно, односно 960.000 денари годишно - околу 15.000 евра), значи е потребно да има 150 мушичари што ќе платат по 100 евра годишна дозвола за да му се исплати на Вардар екскурзијата
Друг проблем е нивото на водата. Кога ти ќе порибиш во ФФ ревирот, а водата ќе падне, рибата ќе отиде во долниот дел на Треска и Вардар каде што ќе ја таманат. Како ќе го решиш тоа? Или, дошол енглезот на Драган, завлегол во вода над половина, се занел во ловење, и одеднаш му доаѓа водата... Кај ќе го бараме човекот после?
Радика од друга страна, има повеќе потенцијал за таква работа, и тоа од мостот кај што Радика се спојува со каналот од Мавровско па нагоре до Стрезимир. Надолу не, пак би се судриле со проблемот со мештаните. А нагоре многу поретко одат. Таму лесно се контролира, има патроли на чуварите на НП Маврово, има гранична полиција. Тој дел е во рамките на НП Маврово, па може да се проба да се разговара со нив, дали има опција да се направи таков ревир.