www.ribar.com.mk

Датум: 17.09.2012, 18:51

Пет лица деноноќно го чуваат Дебарско Езеро

Новиот концесионер на Дебарско Езеро, здружението „Охридска риба“ од Струга, по потпишувањето на договорот за концесија, почна со активности за заштита на езерото од големиот број рибокрадци, кои досега ловеа риба на недозволен начин со мрежи. Kонцесионерот формира чуварска служба, во која има вработено пет лица, кои обезбедуваат заштита на езерото во текот на 24 часа. Оваа е само почеток, од низата мерки што концесионерот ќе ги реализира.

Началникот на подрачната единица на Министерството за земјоделство, Лири Делиши, кој воедно е и републички инспектор по рибарство, ја поздрави оваа мерка на концесионерот за заштитата на рибниот фонд на езерото. Според него, во наредниот петгодишен период, колку што трае концесијата, освен економскиот риболов, предвидено е и порибување на езерото.


- Во просек годишно концесионерот треба да го пориби езерото со 400 килограми подмладок на автохтона пастрмка и крап, а се планира порибување и со подмладок на јагула - вели Делиши.

... Дополнително, треба да пориби по 50.000 единки од охридска и радичка пастрмка, 6 месечните ваљда се околу 30 грама ...