Eve jas ke nasocam eden revir kade sto mislam deka ovoj period e najzagrozen od mrezari,sacmarici, podvodni puski, ogneno oruzje (snajperi), bombi, so kandzi i drugi sredstva za ubivanje riba a toa e delot od Tasmarunista mostot pa se do daljanot Struga kade sto ovoj period ja tamanat ribata na najrazlicni nepozelni nacini. Vo ovoj revir si ima koncesioner no im treba podrska od nadleznite institucii najpozelna Policijata za da se spravi so lopovite
Drim toj revir sto nasoci stvarno je mnogu zagrozen od osobi koi go cekaat krapot so vili-podvodno nurkanje(so harpuni) -so kosovi go cekat i so prenasocuvanje vodata koga krapot ce vleze u kanalot.
MVR i ribocuvarot na pastarmka od struga se soglasija deka preku den ce pravat kontrola na toj del a nie ce pravime kontrola navecer od mrezarite pa se nadevam deka ovie 20dena ce go zacuvame onaka kako sto treba
Последниве месец дена покрај рибочуварот, кој е секојдневно на терен, и јас сум многу често на овој ревир во припомош на рибочуварот. Да бидам искрен мислев дека ќе има многу повеќе проблеми на делот помеѓу мостот во с. Ташмаруништа и мостот во с. Добовјани, но за среќа до сега не е забележано рибокрадство од поголеми размери.
Најчесто добиваме пријави од риболовците за ловење риби со сачми, кои многу е тешко да се спречат зошто сите знаеме како работат тие луѓе, ја фрлаат сачмата, собираат што ќе се фати и бегаат од таа локација.
Бомби или слично не е забележано и се надевам дека нема ниту да забележиме.
Канџари во овој период има се почесто, но мислам дека нема да имаме поголем проблем сами да го решиме проблемот со нив.
Мрежарите и нуркачите се најголем проблем во овој потег. Веќе се прават стратегии за нивно елиминирање но мислам дека ќе ни треба поддршка и од други субјекти во борбата со нив. Разговарано е со инспекторот Јован и од негова страна имаме 24/7 поддршка, а исто така и од страна на Тасим и Самир ни е кажано дека и од КСР Црн Дрим имаме целосна поддршка. Полицијата сигурно ќе биде присутна доколку сите заедно настапиме во заштитата на рибниот фонд, па сигурен сум дека заеднички ќе успееме да се справиме со ситуацијата.
Најголема помош рибочуварот може да добие само и само од рекреативните риболовци. Доколку секој од риболовците кој ќе забележи рибокрадство успее да направи некоја фотографија или видео со рибокрадецот, но без да е забележан, и веднаш да пријави кај концесионерот, работите ќе тргнат драстично во наша полза. Зошто? Ќе дојде рибочуварот, рибокрадецот ќе се сокрие, приборот ќе му биде одземен и заедно со фотографијата или видеото ќе завршат на суд со поднесена прија за ПОЗНАТ СТОРИТЕЛ. Наместо ова што се случува сега? 99% од пријавите што ги добиваме за присуство на рибокрадци се задоцнети. Се пријавува рибокрадство откако рибокрадецот ќе си замини. Кога ќе го прашаш, оној кој што пријавил, зошто не пријавил навреме, добиваме одговор дека се плашел да не биде забележан од страна на рибокрадецот. Зошто?????? Па зар не можи да го остави риболовот за 2-3 минути, да се тргни малку настрана и да се јави кај концесионерот или дирекно кај рибочуварот? Зар не можел да направи некоја фотографија со мобилниот?
Или друга работа, ќе се фати рибокрадец на дело. Никој не сака да сведочи со што изјавата на рибочуварот ќе добие поголема тежина. Сам нема да можи да се справи рибочуварот со целата ситуација па ќе повика полиција. Додека дојде полицијата рибочуварот нема да е во состојба да ги спречи рибокрадците да го отстранат приборот (канџи, пушки и сл.). Откако ќе дојде полицијата никој освен рибочуварот не видел и не слушнал ништо. Мене лично ми се случи ваков феномен. Откако стигна полицијата на минимум 20 луѓе ги фати колективно слепило и згора на се сите беа глуви, а истите тие луѓе се најгласни за да се спроведе ред. 2-3 рибокрадци направија мајмуни 20 поштени риболовци. Јас вака ги гледам работите во оваа ситуација.
Мое мислење, кога е во прашање полицијата, е дека тие не можат да се наши рибочувари и да патролираат по риболовните ревири. Концесионерите мора да имаат свои рибочувари кои кога ќе затреба ќе бараат помош од полиција. Но, од друга страна мислам дека полицијата, барем во повеќето случаи, кога ќе забележи рибокрадство не се труди воопшто да реагира се додека некој не го пријави случајот. Нели рибокрадството е кривично дело? Ако е така тогаш доколку било кој што ќе го забележи тоа и не реагира соодветно, станува соучесник во самото кривично дело. Овде може да му се прогледа низ прсти секому доколу не реагира, но на полицијата никако.