http://www.dnevnik.com.mk/default.asp?I ... FEE4523680
РЕГИОНИ
Датум: 27.03.2012, 18:02
Штипските рибари порибуваат и ловат рибокрадци
Риболовното друштво „Брегалница 2011“ од Штип ќе изврши порибување на реката Брегалница, во која има с` повеќе мрежи на рибокрадци. Секретарот на друштвото, Зоран Шурдовски, информира дека за порибувањето ќе бидат издвоени околу 80.000 денари, а во реката ќе се пуштат околу 1.500 парчиња крап и сом.
- Во текот на изминатите недели имавме успешни акции против рибокрадци. Деновиве кај селото Доброшани откривме девет мрежи со должина од 150 метри, кои беа поставени во реката Брегалница. Рибокрадецот, за жал, не е фатен на самото место - вели Шурдовски.
Тој додава дека во изминатите акции рибочуварската акција на дело фатила осуммина рибокрадци, против кои се поднесени прекршочни пријави.
http://www.time.mk/read/539056f763/4e03 ... index.html
Пет години рибниот фонд на Дојранското Езеро е препуштен на милоста на рибокрадците и птиците грабливки. Толку време Езерото е без концесионер и без организирана заштита . Во последната акција на граничната полиција, која единствена го чува езерото од рибокрадци, се запленети 25 километри мрежи, седумнаесет пловни објекти, осум мотори за чамци и друга опрема за риболов. Со оваа опрема само за неколку денови се уловени еден тон и двесте килограми риба.
Денеска припадниците на граничната полиција на преминот Дојран во присуство на министерката за внатрешни работи ги запалија запленетите мрежи. Според неа, ваквите акции даваат резултат, но за целосно запирање на уништувањето на богатиот рибен фонд потребно е езерото да добие концесионер.
-На криволоството најлесно би се ставил крај откако концесионерот, кој во една легална законска постапка ќе ја добие концесијата, ќе ги спроведе сите мерки за заштита на езерото и за ловење според оние стандарди кои дозволуваат обновување на билошкиот минимум, рече министерката за внатрешни работи, Гордана Јанкуловска.
Градоначалникот на Дојран потврдува дека рибокрадците ги има се повеќе. И според него решение на проблемот е во доделувањето концесија за стопански риболов.
-Ако денес уште еднаш направиме проверка по езерото сигурно уште толку ќе се фатат мрежи. Му нема крај на ова. Крајот се гледа само во концесијата кој ќе ја земе да си стават ред, ќе се заштити езерото и рибниот фонд. Ќе имам емир и ние како локална самоуправа и државата, а со тоа фактички ќе се вработат луѓе, вели градоначалникот на Дојран, Глигор Чабулев.
Министерството за земјоделство, шумарство и водостопанство досега објавуваше повеќе огласи за доделување на концесијата за стопански риболов, но тие беа поништени. Последниот е објавен пред десетина дена и за две недели треба да се знае дали конечно рибниот фонд на Дојранското Езеро ќе добие стопан.