Ај Добро утро.
Се склопија многу лоши лонци, мамци и други тракатанци. Се случи што се случи, се случува што се случува и ќе се случува тоа што ќе се случува.
И покрај лошиот викенд во Второто коло од лигата во Коњско, оставката на Сергеј и еден куп муабети, сонцето денес повторно изгреа. Саатот си чука и никој не може да го запре. Земјотреси тресат, пекол е надвор, АМА?
Чичко Дуле научил дека и добрите и лошите периоди поминуваат. Се поминува. Лузните ќе ни останат, ама преживеаните сакале, нејќеле мора да продолжат да користат кислород.
Второто коло помина без улов. "Добрата" вест е дека никој не го расипа својот пласман од кастингот.
Останува поредокот ист но на сите сега им се додадени по 4 бода, па контото е од 11 бода првиот (знаете кои се), до 5 бода последниот (исто знаете кои се).
Имајќи ги во предвид сите негативности во рамките на Второто коло (Коњско), лично ја поздравувам одлуката (незванично) да се смени локацијата, пред се во интерес на оние кои се директни учесници и во интерес на заживување на шансите да почне нешто да се случува во боксовите, да се одбегнат лошите околности и услови. Ние не сме професионалци. Потполно ја сфаќам и подржував идејата за промени во однос на подобрување на индивидуалните квалитети како далечинско ловење и зигови ригови. Тоа се елементи кои многу влијаат на пласманот на Светско првенство. Од тука произлегоа и одлуките за стаза на Коњско. Но, сепак најголемо влијание во рамките на Лигата е уловот и ангажираноста, адреналинот и "бркањето" резултат.
Можеби е време да сватиме дека немаме води, адекватни за овие потреби, адекватни на временските прилики и термини. Сето ова ја руши масовноста и интересот за Лига натпревари. Можеби е време Лигата да се одвои од потребите на Репрезентацијата.
Сепак сме со многу елементи на рекреативна основа. Не сме професионалци. Време е да сфатиме дека во друга кожа (хрватска, англиска, српска и сл) не можеме да се ставиме. И ова ќе помине.
ПС
Овој Форум е "виновникот" за враќањето на оваа наша пасија. Не заслужува да падне на дереџе никој да не информира и постира во ек на натпреварите. Поактивни бевме зимоска, кога сето ова се планираше.