Ајде малку нешто сосема лично.
Не знам дали некогаш ќе успееме да се ослободиме од лошата енергија која сами ја произведуваме.
Колку и да сакаш, колку многу љубов кон овој спорт да имаш, еден ден ќе ти скисне од некои кои сопствената величина ја бараат со критики кон други, а сопственото знаење не го споделуваат туку го докажуваат со воочување на туѓите грешки. Некои очигледно биле тепани и злоставувани како деца и сега бараат начин да си ги лечат сопствените фрустрации. Се обидов, годиниве наназад, да укажам дека треба да се движиме напред, да споделуваме, да го подзаборавиме малку сопственото его. Неколку, многу малку, останаа верни на сопствениот кафез и немаат желба да го прифатат фактите, да прифатат дека и тие се дел од вкупниот негативен биланс, годиниве наназад, заедно со сите нас. Резултатите кажуваат. Како што теравме, не ја бива. И сега, кога некој се обидува нешто да смени, повторно, иако хипотетички, не чини кастинг, не чини далечинско ловење, не чини Сергеј, не чини Васил, не чини Предраг, не чини МРФ па ни Рибар 2011, не чини никој кој се труди да организира, планира, финансира ....
Трагедијата е што кога ќе го прашаш некој таков стручњак за критика, зошто утнал на некое СП, никогаш нема негова вина, секогаш е крива прихраната, мамците, тактиката. Слепи сме или не знам што, кога грото, некои и до нас ловат zig-rig и даалеку и земаат медаљи, а ние упорно задњи или предзадњи. И кога некој се обидува да не доближи до шансата да бидеме поконкурентни, пак не чини, пак критики, до бескрај.
Затоа еден апел. Еве ќе направам една основна грешка, несвојствена за мене и ќе апелирам. Вие кои мислите дека кога ви го сечеле папокот сте имале параболик во рацете и знаете се повеќе од сите, или помагајте, или замолчете. Доста со лични препукувања. Доста се докажувате со воочување на туѓите грешки. Погледнете во сопствениот двор и ако имате сили дајте некој предлог за микс, прихрана, тактика. Крапскиот натпреварувачки риболов во МК е поголем и од вас и од Сергеј и од мене и од било кој поединец и време е да сватите како треба да се оди понатака.
Како долгогодишен уредник ќе ги замолам модераторите и администраторот, доколку нешто оди кон лично, суетно препукување, доколку станува збор за беспредметна и бесперспективна критичка анализа (критизерство), да превземат мерки и да ги остаат луѓето што се избрани да си ја бркаат работата за која се избрани. Од мене потполна подршка .
Однапред се извинувам за намерната грешка овде јавно да го споделам сето ова со сите Вас.