www.ribar.com.mk

Годинава почна релаксирано на риболовен план. Неколку кратки излети, дружењето на Мавровица, спин посети во
соседството и после сето ова нормално следуваше планираното за оваа година. Посети надвор, слободен риболов и
некој натпревар...како се најде термин и време, така да напаѓаме. Неколку води ги земавме во предвид кој сакаме
да ги посетиме надвор од државава, а како прва на календар ја ставивме Агов Дол, која лани на натпреварот во
Бугарија ни остави добар впечаток.

Се споија коцките, во комбинација влезе и Ховиц кој беше изгорен за риболов и опцијава му дојде како 1 на 10-ка.
После договорот почнаа подготовките, нормално прво боилата беше на ред. Се решивме за 18-ки црвени 10кг и жолти 10кг.
Се распоредивме дополнително кој што да набави и спреми, се скоцкавме во џипот на Тафта со опрема и правец Враца (Агов Дол).



Веќе беше договорено тамо со сопственикот Марио и веќе 12 часот напладне биравме позиција.
Езеротo не пречека тепсија...



Се одлучивме за позиција 8 од купот која е малце со поголема далечина бидејќи езерото тука се проширува.
Се наместивме до бунгаловот кој ни олесни многу да не отвораме ниту шатор, ниту тенда и комоцијата која беше
внатре беше уникатна. 2 маси, стреа и 2 кревети со душеци. ЛУДИЛО!

Отпакувавме опремата и почнавме со работа.

]

За брзо веќе беме сетирани, 3 позиции со екстра распоред за работа на 2 боили.
Ховиц десно на отворено ја работеше сам жолтата која е малце поспора, јас во средина а Тафта лево.
Тука комбиниравме нешто дополнително кој за вакви води каде рибата бара месо/протеин беше
неизбежно од инфото кој го добивме. И секако излезе правилно...



Така фино сработено за добар старт и нормално ако добро стартуваш, одма резултат и тоа страшен....за 2-3 часа.
Ран –Филмски и веќе го имав во раце десниот параболик кој одма при дигање го осетив дека имам нешто
потешко и помасовно на јадица.



После добри неколку дрила, тешки ковања надолу...успешно изваден крап од 15кг. Без 200гр.
Старт од соништата, секој би посакал ваков старт...ДЕЛФИН.









Пошо никој неќеше да ме снима и да ми направи еден клип, навјеројатно од адреналин..имам само 2 клипа
за разлика од нивните 6-7. Ова пуштање и уште едно кепање. Веќе не ги снимам!



После добриот старт, некако се смири се. Падна активноста и падна мрак. Прва ноќ!
Расположението на највисоко ниво и нормално се припрема мезе...



Разноврсни салатки со пинџурче, сланинче, сиренце па па...не можеше, а да не се пецнеме со домашната
на Ховиц – ракија, се разбира. Како да не чекаше да замезиме и одма почна активноста...но ништо сериозно.
Крапчиња до 3 кг, амури неколку до 4кг... Активност имаше цела ноќ. Таман си се утврднал, свири сигнализатор.
Амурот беше чуден и на оваа вода очигледно не се вика grass carp, се вика meat carp. Удари само на црвената!



Ноќта помина без 10+, но солидно не дрмаше и не држеше на штрек, милина...
Нов ден, ново сонце...
Вечерта останавме само на мезе, па затоа утрински Ховиц реши да не награди со неговото познато рибарско болоњезе.



Прсти да излижеш, душа да најадеш.



Имавме на 2-3 км продавница каде си набавуваме ладна вода и ладно пиво.
Мора да се наздрави во име на куварот. Бугарска бирка после вакво јадење легнува перфектно!



Тафта веќе најаден, чека удар.



Се уште беше мирно, без значителна активност. Времето ПЕКОЛ, просто не се дишеше.
Верувале или не, за 72 часа испивме/искористивме преку 100 литри течност!
Не посети и сопственикот Марио, екстра човек – вистински крапар. Кажуваше за авантури,
некој совет за подобра ефикасност и си направивме муабет за буквално се околу крапскиот риболов.
Искрено да имаше некој овде ваков, ќе беше БОГ И БАТИНЕ меѓу нас. Секоја му чест.

Со него носеше од романските карбонски кобри кој само што му пристигнале и не ја пропуштивме шансата да ги тестираме.





Стивна малце времето, а со тоа се зголеми и активноста...
Акција насекаде, грото крапчиња до 4 кг. И повторно по некој амур. Но сеуште немаше 10+....



Така беше се ноќта до 2 часот по полноќ каде се појави и бабачкото кој го чекавме од минатиот ден.
Овој нешто помал, но добро е ...почнува да се јавува.

Тафта со уловот од 10.500 кг.



Морам да напоменам дека за прв пат, после незнам колку обиди да уловам на Копенс, дојде и тој ден.
Удираше и на 2 пелети, а и на комбинација ваква...



Дојде и ново утро, Рино беше тука со нас цело време. Сите боили ги тестираше успешно.



Каква екипа... не ги мењам ни за Тери Едмондс и Марк Хатчинсон



Утрото повторно акција, крап – амур и обратно...почнаа и поголеми амури и крапови до кај 6 кг.



Ова е мојот втор клип. Фала ви момци...



До кај 9 часот беше удари на 3 трски насекаде, но потоа проработе жолтата боила кај Ховиц.

РАН НЕЗАБОРАВЕН, УШТЕ МИ ЗВОНИ У ГЛАВА!!!
Тафта КАКО СЕРГЕЈ БУБКА со 125кг, СКОКНА и само што се свртев го гледам веќе почиња да дрила....

Уживајте во видеото со вадењето на КРАП 14.100кг.



Фотосесија неизбежна, Tafta`s personal best.





Нормално и Ховиц на кадро, заслужи...ја сработе жолтата ПЕРФЕКТНО!





Го погаливме, го истинтравме и назад во вода. Лицата насмеани и среќни.



Само што решив да одморам, им тргна на овие 2-ца. Удар за удар. Жолта, па црвена и обратно...Салата.



Ховиц имаше риба живота на трска, но за жал и откачувањето е составен дел од риболовот. Совршено нема.
Но, од вакви работи се учи. Секоја изгубена риба е школо.
Еве го видеото, држеше 15+ сигурно..штета!



Но одиме понатака, нема разочарување. Што е, тука е... ќе си дојде тој.
Но набрзо ги орасположи и едно мало сомче кое му се јадело јаглехидрати, Ховиц тргна по крап - но улови и сом...еехеееј.



Во најжешкото пак, имаше таков ран што сигнализаторите мислам дека ќе експлодираат.
Тафта под сенка кулирајќи се штрека и така му се здаде да трча, што мислам дека ќе го
извадеше надвор со едно повлекување.

После кратка борба од 5-6 мин. и овој се прости со нас.

Голема риба, но за жал и ова не беше наше....

Видео од откачувањето на Тафта...



Но тоа е тоа, разочарувањето поминува одма при следниот удар.
Ховиц како најактивен повторно позитивно изненади и со оваа риба...



Додека бевме со Тафта до селото да набавиме ладна вода и други намирници, Ховиц сам го извадил, го укепал и го ставил во сак за сликање...БРАВО!



Но, само што се сликаше и го врати назад...Ховиц повторно во акција....

Амур 5-кг.







Тоа е тоа, задоволството е уникатно и впрочем затоа сме забегани по сето ова.
Затоа го сакаме и затоа со толку голема страст се пристапува.
Почна да замрачува, а од тука и по некој облак се појави.
Се спремаше невреме, електрични празнења, грмотевици го осветлуваа езерото.
Се прибравме под бунгаловот, со спремивме за невреме и оставивме работите сами да се одвиваат.

Престанавме со крмење, удривме по некоја со добро мезе и некаде кај 23:00 веќе имаше убав ран.
Се пуштив шпринт по дождот и излезе еден крап од 6,200кг.
Некако фалеа тие до кај 7-8кг.



Застана активноста после ова, па некаде кај 01:00 така јако сите 3-ца пецнати се екнавме у кревет.
НОКАУТ до сабајлето до 6 часот!

Станувам таков кафе да правам, коа загледав кај мојот сет, гледам еден свингер паднат.
Одам, кревам...ОПААА, брате па ово нема ни у БЕОГРАДУ.
Наспан, одморен, станувам а веќе риба ме чека.

Како го возам накај мене, така се повеќе отпор ми дава…осетив дека е нешто поголемо и повнимателен бев со оглед на фактот дека незнаев колку време стоел закачен, па екстра претпазливо го донесов до брег. Укепан и изваган. 12.100 кг.





И тука колеги веќе почна да привршува нашиот 3 дневен риболов.
Екстра задоволни од се...Улов ЕКСТРА, храна ЕКСТРА, боила ЕКСТРА, вода ЕКСТРА, дружба ЕКСТРА, гостопримство ЕКСТРА...СЕ ЕКСТРА!

Еве го хотелот со безброј ѕвездички.





У кола и правец Софија кај чичко Васил. Нормално, неможе да биде едно вакво крапско задоволсто
комплетно ако не влезеш во некој од софиските продавници и малку поужуваш во излозите и нормално
збичкаш некој лев. Овој пат “При Мајсторите”...

Еве некој фотка...





На крајот по една ладна пијачка и се поздравивме со чичко Васил.



Одма спраштивме накај Паланка на ручек кај кумашинот на Тафта, удривме некое пиво, апнавме и правец накај Скопје.

А, сликава е доказ дека целава кампања била успешна.



Да беше обратно имаше да биде сочна дискусија до Скопје!

Но, да сумирам...
Се извадија преку 30 риби, се фаќаше на предвези 20 см, 4-ки јадици FOX KURO, Наша боила 10 кг,
Сквид + Шелфиш+Белашан, 10кг. ТОП банана 50/50 – СА Мурбери + Ананас, Копенс Халибут пелети 1кг (само на влакно и ПВА).
35-ка конци, се фаќаше на 90 и 110м.
,
Пченка не се фрли ниту едно зрно, се работеше само со кобра и пва.

Фрливме боила 16кг. (благодарност до Милчо за помошта за ролање и варење)
За да не собере во џипот (благодарност до Кременадла за тулето и помошта при монтажа)
За да ни се договори се на Агов Дол (благодарност до чичко Васил ).

Шаранскo Шосе - Агов Дол или во превод Крапска улица – Агов Дол.

Бистро на сите до следната авантура, каде се надевам дека ќе има и 20+.

_________________
CT Asterix & Obelix

So red kako sto treba

_________________
Rodjen da peca,Nateran da radi

e vaka treba da izgleda edna krapska ribarska reportazha ODLICHNO !
bravo majstorishta bateriite ste gi napunile na fulll
Pozdrav golem do site vas trojca i ke vi kazham samo edno za kraj i zapamettete ........C I C K A

_________________
TAPATTA JA LECHI DUSHATTA
mrtva dae-od reka dae!

Јеп, цицка репортажа

_________________
Животот е досадното време помеѓу два риболовни излета...

Уживaнцијa мoмци,репoртaжa филм,пукaнки ми фaлеa дoдекa читaв
Се нaдевaм следнaтa репoртaжa ќе биде уште пoфилмскa

_________________
Carp fishing...i love it !

Што би рекол Владо Илиевски, Македонија - Литванија "Леле луѓе што направивте"
Крапска етика... Одлично

_________________
Риболовот не е хоби - тоа е животeн стил...

Аплауз... секоја чест!!!

Класичен пример за убаво поминато време на вода.
Исклучителна репортажа со сите аспекти опфатени.

Ви посакувам уште многу вакви и поуспешни дружења.

_________________
Независен кандидат за модератор

А кога ќе видиме нешто слично од тебе? 100 пати беше по риба

_________________
Животот е досадното време помеѓу два риболовни излета...

Да не ја расипуваме репортажава...

Да, многу пати бев на вода годинава, ама немам ништо посериозно фатено, со што би се пофалил.
Во секој случај, ветувам репортажа од следното рибарење.

_________________
Независен кандидат за модератор

За спремање на ваква репортажа Диме издвоил сигурно 5-6 сата добра работа со слики и видеа и текстови и све останато, тоа е време издвоено од љубов кон форумот и форумџиите кои сакаат репортажи. Секоја чест. Во исто време апел до раководството на форумот кога ќе се збереме да поразговараме за предлогот да ги затвориме репортажите само и исклучиво за оние кои активно поставуваат репортажи и толку....колку сме толку сме.....кога може некој да издвои толку време да скоцка ваква репортажа, можат многумина други да издвојат по 15-20 минути да склопат нешто поскромно,,....но не секој ја има истата љубов кон форумот и почит кон останатите....така што време е за прегрупирање ...тој што споделува и почитува репортажи е добредојден...сите останати ...се читаме во други теми