Не е добро да се откажуваме така лесно ако сакаме да смениме нешто, треба да бидеме упорни и ќе вроди со плод. Макар и минимален напредок е подобар од тапкање во место.
Сега на кратко ќе ви ги представам точките кои ќе бидат представени во проектот.
• Откривање и одстранување на загадувачите на водата, чистење на речните корита и езерата, чистење на бреговите на реките и езерата.
Тука имаш 3 работи ставени во една точка, дали е тоа наивно или од непознавање незнам...
1. Откривање и одстранување на загадувачите на водата - Загадувачите генерално се знаат, потребно е да не им се дозволува влијание, да профункционира спрегата -инспекција-покренување постапка-суд-пресуда-исплата на штета кон водата
2. чистење на речните корита и езерата - ОК требаат пари и луѓе
3 чистење на бреговите на реките и езерата - ти е голем и комлексен проект кој бара многууу пари, многу луѓе, многу машини и многу време и да бидне тоа...и да бидне не е целосно решение бидејќи треба во исто време да се интервенира во старт на проблемот, а тоа е во општините, проблемот со нерешените прашања за отпадот во селата/градовите и менталитетот кај луѓето
• Контрола на работата на концесионерите од страна на риболовните друштва и граѓанските организации. Да се има увид во нивната работа и дали и како ги извршуваат своите обврски кои произлагаат од концесијата.
За ова си има институции, пред се Инспекторат во земјоделие кој треба да се стегне, појача со луѓе и средства и да нема врски за никој. Во исто време треба да имаш во предвид дека риболовните друштва во 80-90% се концесионери во Македонија, така што незнам како себеси би се контролирале. Во исто време треба да имаш во предвид дека раководствата на риболовните друштва кои се концесионери во 60-70% се скапаници
• Зголемено порибување и зачувување на автохтоните врсти на риби, создавање на подобри услови за нивно размножување. Безбедно одстранување на неавтохтоните врсти на риби кои ја нарушуваат природната рамнотежа и егзистенцијата на автохтоните видови риби.
Сето ова е обврска по закон и договор за концесија на концесионерите/читај во најголем дел риболовните друштва
• Привремена забрана за стопански рибилов, селективно, или на целата територија на Република Македонија, како начин за природен пораст на рибниот фонд. Дискутабилно прашање....имало примери каде кога немало стопански било полошо и обратни примери каде стопанскиот го докрајчил одредено езеро. Повторно клучот е во контролата
• Намалување на цената на годишната републичка дозвола за риболов за 50 % како стимуланс за поголем број купени дозволи, развивање на овој вид на спорт и кај помладата генерација и едукација на истата.
Да ќе има поголем број републички дозволи, но во исто време ќе има уривање на целиот концепт на концесионирање на водите. Републичките дозволи моментално во најголем процент се слеваат во државниот буџет, тоа значи со твојот предлог најголем дел од парите на рибарите би оделе во државен буџет што не е логично, затоа што контролата, порибувањето, организирањето на рибарлукот, плаќањето на чувари моментално не го прави државата, туку концесионерите. Ако цената на годишната републичка дозвола за риболов се намали за 50 % најголем дел од рибарите ќе вадат такви дозволи, концесионерите ќе останат со прстот во уста и без приходи, ќе ги откажат концесиите и повторно цела Македонија без концесии, т.е анархија.
• Зголемување на контролите од страна на Министерството за внатрешни работи и Министерството за земјоделство, шумарство и водостопанство. Сите други точки можеш да ги фрлиш во ѓубре, ако успее оваа точка мак.риболов ќе процвета. Тоа значи строги контроли кон секого/концесионери/инспектори/полицајци/рибокрадци/ресторани/риболовци
• Издвојување на поголем дел од буџетот на Република Македонија во областа на риболовот и изготвување на акционен план за зголемување на рибниот фонд со активно учество на риболовните друштва и здруженијата за животна средина. Мислам дека ова е направено, проблем е спроведување, или таканаречениот проблем со дупнато дно....ти дотураш ама тече од некаде
• Построги санкции за тие кои ги прекршуваат законите, риболовци без дозвола, риболовци со прекумерен улов и улов под мера, рибокрадци, концесионери кои правилно не си ги исполнуваат обврските и сите оние кои делуваат спроти законските одредби. Ова е истото со тоа погоре што ти пишав дека е главно.
Доколку сметате дека треба да се надолопни нешто ве молам пишете.
Појма немам кој сте и што сте,...ама кои и да сте терајте ...ок е да се размислува и предлага....мислењата кои ќе ги прочиташ на форумов се мислења изградени пред се од луѓе кои се по малку разочарани што често пати читале слични работи, ама работите не се поместувале многу многу напред...
Ќе се согласам со Филип дека кај нас законите се генерално ОК,...спроведувањето и контролата затајуваат, амоите коментари по секоја од точките ќе ти ги пишам под твоите точки со црвено