Го пробав нанофилот неделата. Лично сум презадоволен од истиот. Земав 0.08. Земав и еден Daiwa Megaforce 1-9 2,20 должина, на истиот Daiwa Crossfire 500. И не ме трпеше срце да ги пробам, па решив неделата да прошетам покрај Брегалница, да ги пробам. Не издржа срце јуначко, знам дека е забрана. Сакав да пробам и да вежбам малку drop shot техника на ловење. Си се сместив покрај вода, нормално околу мене еден куп рибар и сите пцуеја дека не им јаде скобалот за жива глава. Им реков дека е мрест, само ме погледнаа сите и се мислеа изгледа да се собираат... Или да ме фрлат во река, не можев да дефинирам... Си намотав од нанофилот на машинчето, си врзав јадиче со дупол паломар чвор со оловце 3 грама и зафрлив да видам како иде исфрлањето со нанофилот. Дека не знаев како, не зафрлив многу силно, оловцето летна задоволително далеку... Второ фрлање, сега му запнав малку и оловцето заврши на обалата од другата страна... Среќа што немаше никој од таа страна... Е сега работата е што реката на овој потег е широка околу 30 метри, ако не и повеќе... Така оценивме со еден пријател кој се најде покрај реката... Го извадив оловото, ставив 4 х 0,25 грама, 1 грам тежина, за да видам како би се исфрлало со тапа, дека оваа тежина најчето ја користам на Брегалница... Оловцата за 1 метар не паднаа на брегот од спротивната страна... Кога го влечев оловцето во вода, многу голема осетливост на истиот, буквално се осеќа структурата на дното, влечено низ камењар и песоклив дел... Се осеќаат и најмали препреки... Успеав и да закачам, така да верувајте, огромна издржливост на истиот... Мислев дека трската ќе попуштеше попрва... Седнав покрај реката и ме чешаше како ќе се покаже со риба на него, но никој жив ништо не вадеше и си реков друг ден ќе го пробам, кога пријателот мој извади 2-3 кркушки во серија (истите беа експресно вратени во вода). Земав бели црвчиња од него и ја пуштив на „тешко“ спинерката во вода со 1 грам олово
... 10 јадиче и беше интересно да се гледа како врвот игра кога малите рипчиња се обидуваа да го земат црвчето... Кога одеднаш страшен удар и трската буквално падна во водата... Го сецнав кога осетив добри удари... Влечење полека кога оп, скобал... Парче од некои 3-400 грама... Симнување од јадицата, провоцирање на остатокот од рибарите и враќање во вода... И додека со пријателот разговаравме за тоа колку е добар конецот и Megaforce-то за лов на клен во Брегалница, трската со црвчето беше во вода, кога го спуштав скобалот, јадичката сум ја оставил во вода, удар и буквално трската ја фатив во последен момент да не падне во вода... Падна и мојот капитален скобал, должина од над 40 см, за тежина не сум баш сигурен... Полека го довлечкав до мене, а пријателот го фати со кепот... И пак истата слика, провокација и враќање на скобалот во вода... Сефтелисување на спинерка со скобал...
... Мислам дека во догледно време нема да користам друг конец...
За време пробувањето на мојата опрема сакам да напоменам дека ниту едно живо суштество не беше посериозно повредено... Знам дека е ловостој и дека може да наидам на понекоја критика, ама не издржа срце јуначко...
...