|
За понатамошна дискусија за темава мислам дека би било добро ова да го знаеме сите
Член 49 (Легитимација за рекреативен риболов)
Рекреативен риболов може да врши лице кое поседува легитимација за рекреативен риболов.
Легитимацијата од ставот 1 на овој член ја издава федерацијата од членот 80 на овој закон со времетраење од една календарска години и се продолжува за секоја наредна година.
Во зависност од реалните трошоци потребни за изработка на легитимацијата на предлог на федерацијата министерот за земјоделство, шумарство и водостопанство го одредува надоместокот за нејзиното издавање и/или продолжување.
Остварениот приход на годишно ниво од легитимациите федерацијата го наменува за:
- 70% за реализирање на работите од членот 82 на овој закон и
- 30% за Буџетот на Република Македонија уплатени најдоцна до 31 декември за тековната година.
Федерацијата остварениот приход од ставот 4 алинеја 1 на овој член го реализира по претходно поднесена и одобрена програма за реализација на работите од членот 82 на овој закон.
Со програмата од ставот 5 на овој член федерацијата доставува и писмен доказ за уплатени средства во Буџетот на Република Македонија од ставот 4 алинеја 2 на овој член.
Програмата од ставот 5 на овој член федерацијата ја доставува до Министерството за земјоделство, шумарство и водостопанство најдоцна до 15 јануари во тековната година и истата најмалку содржи планирани активности и потребни средства за реализација на активностите за тековната година.
Доколку остварениот приход на годишно ниво од ставот 4 алинеја 1 на овој член не е доволен за реализација на активностите предвидени во програмата, истите активности федерацијата треба да ги предвиди во програмата за наредната година.
Формата и содржината на образецот на легитимацијата за рекреативен риболов и начинот на нејзиното издавање го пропишува министерот за земјоделство, шумарство и водостопанство.
Член 50 (Дозвола за рекреативен риболов)
Рекреативен риболов на риболовните ревири и рекреативните зони се врши врз основа на дозвола за рекреативен риболов.
Дозволата за рекреативен риболов може да биде:
- годишна за сите риболовни води во Република Македонија - државна дозвола,
- годишна за одреден риболовен ревир и рекреативна зона,
- петнаесетдневна,
- седумдневна и
- еднодневна.
Дозвола за рекреативен риболов се издава на лице кое поседува легитимација за рекреативен риболов.
По исклучок на ставот 3 од овој член дозвола за вршење рекреативен риболов без поседување на легитимација може да се издаде на рекреативни риболовци кои се странски државјани.
Рекреативните риболовци се должни легитимацијата и дозволата за рекреативен риболов да ја носат при вршење на риболовот, редовно да водат евиденција за уловената риба и податоците да ги доставуваат до концесионерот.
Формата и содржината на образецот на дозволата и образецот за водење евиденција, како и начинот на водење на евиденцијата и доставување на податоците ги пропишува министерот за земјоделство, шумарство и водостопанство.
Член 51 (Надоместок за издавање на дозволите за рекреативен риболов)
За издавање на дозволата за рекреативен риболов од член 50 став 2 се определува надоместок.
Надоместокот за издавање на државната дозвола од членот 50 став 2 алинеја 1 од овој закон со решение на годишно ниво го определува министерот за земјоделство, шумарство и водостопанство. Надоместокот е во висина на највисокиот определен надоместок за издавање на годишната дозвола од членот 50 став 2 алинеја 2 на овој закон зголемена за два пати.
Висината на надоместокот за издадената дозвола од членот 50 став 2 алинеи 2, 3, 4 и 5 на годишно ниво ја определуваат концесиoнерите на риби по претходно добиена согласност од министерот за земјоделство, шумарство и водостопанство.
Член 52 (Издавање на дозволите за рекреативен риболов)
Дозволите од членот 50 став 2 на овој закон ги издава министерството за земјоделство, шумарство и водостопанство.
Дозволата од членот 50 став 2 алинеја 1 на овој закон се издава на рекреативните риболовци по претходно доставен доказ за уплатени средства согласно со членот 53 од овој закон.
Дозволите од членот 50 став 2 алинеи 2, 3, 4 и 5 од овој закон се издаваат на концесионерите на рибите од риболовните ревири и рекреативните зони и корисниците на рибите од подрачјата на националните паркови со задолжување, за тековната календарска година ако имаат одобрен годишен план согласно со членот 17 од овој закон и со доставен доказ за платен надоместок за концесија за претходната година.
Концесионерот на риби задолжените дозволи ги издава за риболовниот ревир или рекреативната зона за кои му е дадена концесијата.
Концесионерот е должен да води евиденција за бројот за издадени дозволи и евиденција за количината на уловена риба и да ја доставува до Министерството за земјоделство, шумарство и водостопанство.
Концесионерот е должен да определи и видливо да обележи места на кои ќе ги издава дозволите за рекреативен риболов.
Концесионерот смее да издава дозволи за рекреативен риболов само на определените места за издавање дозволи.
Начинот на издавање на дозволите и потребната документација, формата и содржината на образецот за водење евиденција, како и начинот на водење на евиденцијата и доставување на податоците ги пропишува министерот за земјоделство, шумарство и водостопанство.
Член 53 (Распределба на средства)
Уплатата на надоместокот за издавање на дозволата од членот 50 став 2 алинеја 1 на овој закон, се врши на следниов начин: - 70% во Буџетот на Република Македонија и - 30% на сметка на риболовното здружение чиј член е корисникот (сопственикот) на дозволата.
А ова се членови од закконот кои се спомнуваат во погорниот извадок од Законот за Рибарство кој нас не засега
Член 17 (Годишен план)
Во согласност со секоја риболовна основа се изработува годишен план за заштита и стопанисување со рибите (во натамошниот текст: годишниот план).
Годишниот план со позитивно мислење добиено од овластената установа - изработувач на риболовната основа за определената риболовна вода корисникот на риболовното право (во натамошниот текст: концесионерот) го доставува до Министерството за земјоделство, шумарство и водостопанство најдоцна до 15 ноември во тековната година за наредната календарската година.
Годишниот план особено содржи:
- прираст и количини на риба во риболовната вода по видови,
- дозволен годишен и дневен улов по видови,
- план на порибување по количини и видови и потребни средства за порибување, - мерки и начини на заштита на риболовната вода и организација на рибочуварската служба и
- планирани парични средства и намена на истите.
Годишниот план го одобрува министерот за земјоделство, шумарство и водостопанство. Концесионерот барањето за мислење го доставува до овластената установа од ставот 2 на овој член најдоцна до 15 септември во тековната година за наредната календарска година.
Овластената установа од членот 74 на овој закон е должна да издаде мислење на концесионерот најдоцна во рок од 30 дена од денот на добивањето на барањето.
Доколку овластената установа од членот 74 на овој закон не го достави мислењето во предвидениот рок се смета дека годишниот план е потврден.
Содржината на годишниот план поблиску ја пропишува министерот за земјоделство, шумарство и водостопанство.
Член 74 (Овластена установа)
Работите во областа на развојот и унапредувањето на рибарството ги врши овластена установа.
Овластување за вршење на работи од областа на рибарството добива установа со решение кое го издава министерот за земјоделство, шумарство и водостопанство по претходно поднесено барање до Министерството за земјоделство, шумарство и водостопанство.
За да добие овластување установата од ставот 2 на овој член треба да ги исполнува следниве услови:
- да има вработено најмалку едно лице со VIII степен образование од областа на рибарството,
- да има вработено најмалку едно лице со VII степен образование од областа на рибарството,
- да има лабораторија за ихтиолошки и хидробиолошки анализи и
- да поседуваат соодветна опрема за извршување на задачите од областа на рибарството.
Член 80 (Македонска риболовна федерација)
Македонската риболовна федерација (во натамошниот текст: Федерацијата) е облик на здружување на сите здруженија на рекреативните и спортските риболовци од Република Македонија со цел за остварување и усогласување на своите и заедничките интереси и заради вршење на активности кои се стремеж кон збогатување на облиците на организирање и дејствување од областа на рекреативниот и спортскиот риболов.
Членови на Федерацијата можат да бидат и други организации, друштва и клубови кои имаат врска со рекреативниот и спортскиот риболов.
Член 81 (Јавно овластување)
Федерацијата од членот 80 на овој закон ги врши работите кои како јавни овластувања и се доверени со овој закон.
Федерацијата од ставот 1 на овој член треба да:
- дејствува на подрачјето на целата држава,
- има квалификувани кадри за изведување на јавните овластувања и - има воспоставено инфраструктура за изведување на јавните овластувања.
Член 82 (Работи на Федерацијата)
Федерацијата ги врши следниве работи:
- заштита на водите и рибите во нив,
- заштита и унапредување на животната средина,
- дава помош, соработува и врши контрола на терен во организирањето на спортскиот и рекреативниот риболов на своите членки,
- издава легитимација за рекреативен риболов,
- води евиденција за издадени легитимации за рекреативен риболов,
- водење евиденција и статистика од областа на рекреативниот риболов,
- организирано јакнење на здруженијата на спортските риболовци и нивна меѓусебна соработка,
- насочување и координирање во работата на здруженијата на рекреативни и спортски риболовци,
- соработка со други организации, органи и здруженија,
- развивање и унапредување на рекреативниот и спортскиот риболов,
- унапредување на врвното спортување заради репрезентирање на спортски натпревари на домашен и меѓународен план, - омасовување на рекреативниот риболов,
- издавање брошури и други стручно-информативни материјали,
- утврдување и реализирање на системот за натпревари во спортски риболов, - подготвува програми и спроведува семинари и курсеви за стручно дооспособување на рибочуварите и
- преку програмата од членот 49 став 5 на овој закон обезбедува техничка помош во висина не поголема од 10% од остварениот приход од членот 49 став 4 алинеја 1 на овој закон за издадените легитимации.
-
Федерацијата за извршувањето на работите од програмата од членот 49 став 5 на овој закон доставува извештај до Министерството за земјоделство, шумарство и водостопанство најдоцна до 31 јануари од тековната година за минатата година.
Член 83 (Финансирање на Федерацијата)
Федерацијата за остварување на работите од членот 82 на овој закон, се финансира од следниве извори од:
- наплатен надомест од издадените легитимации за рекреативен риболов, - продажбата на државните дозволи за рекреативен риболов,
- спроведување на семинари, курсеви, оспособување и - донации, членарина и други извори на средства.
|
Регистрирај се
Најави се
ЧПП
Членови
Што врска има овој член со важност и издавање на дозволи