www.ribar.com.mk

Многу е битно да се направи детална мапа на езерото.
Корисна е информацијава за тревите. Во разговор со Раде Русевски, тој својствено на него и латинскиот назив на тревата го знае. За нас е битно да знаеме дека тревата е лоша за риболов, дека е цврста со коренчиња во основата (не е плутајуча).
Прво, ја има во слоеви (редови) и групации гледано од брег. За оваа сезона (лига) битно е да се приспособи за лов барем гледано како патека кон боксовите. Она што Ицо најмногу го интересира е дали има чисти места. Има. Не е проблем да се пласира мамец. Проблем е ако удри како да се извади. Тешкото е и кога се чисти, после чистењето ќе извадиш куп трева, а таа повторно се доближува меѓу себе и пак имаш трева. Значи треба здрава акција со онаа косилицата и секако таа трева да се извади на брег.
Второ, каков е оној спротивниот брег. Битно е заради идејата да се постави сајла по должина и од секоја страна се добиваат добри теоретски (физички) 100 и нешто метри за риболов во далечина гледано од бокс. Не зборам за тревата.
Значи ако се постават (хипотетички) по 10 бокса од секоја страна, може да се оди на линиско чистење на патеки пред боксовите, а самата трева да биде граничник меѓу нив. Така би останала трева за амурите меѓу боксовите и на средина. Со тек на време тоа се повеќе можеби ќе се зачистува од самите риби. Тоа значи однапред направена анализа (проект) како би сакале да изгледа стазата на целото езеро. Така би се добиле 20-тина позиции што за наши услови е екстра. Па да се ангажира еден багер да ги потсреди позициите. Ако тие се заградени попречно со конци и трева, не мора растојанието меѓу нив да е 50 м. Можат да бидат и поблиску едни до други.
Битно е да се има визија како би изгледало кога се ќе се среди. Да не биде пак за една две сезони. Местото е изолирано и чувано. Можностите за зачувување се големи и од општ интерес за сите актери. Препоставете како ќе изгледа оваа езеро за две-три години, со 4,5 тона риба, се крупни примероци.
Треба студија (проект) со постапно решавање на проблемите. Да не се идеализира, туку реални планови остварливи во практична смисла. Со повеќе работа, а помалку средства (концентрација на средствата на набавка на крупна риба), може да се добие прекрасен крапски центар, рентабилен за работа и невидено задоволство за крапџиите. Да не зборам за натпревари.