www.ribar.com.mk

Колега само да те поправам во нешто гледам или лошо си разбрал, или лошо се изрази. Ако не се лажам Спирката мислеше на допис ОД МРФ кон Министерство, или пак допис од луѓето од Рибар кон Министерство. Бидејќи цената ја бараат концесионерите, а ја одобрува министерството. Е сега за “кајмакот“....Кајмакот тука не го крка ниту МРФ, а ниту пак државата. МРФ нема апсолутно никаква врска со тие пари на концесионерите. Концесионерите (во најголем дел здруженија низ МК) си раководат со водите, они сами си знаат во какви невољи и проблеми се и јас не гледам причина да им се замерува ако некој дигнал 50, 100, или 200 денари дозвола. Тоа е за нивните дневни, неделни и годишни (тие што се променија малку).

Она што е очигледно е што неколку концесионери (не е еден туку неколку големи концесионери (Дојран, Маврово, Јасен) ја дигнаа годишната за 1000 денари (лани 3000) годинава 4000, автоматски 8000 државна дозвола. Е сега тука кајмакот кој го зима. Државата сигурно НЕ, или барем така јас мислам ќе покажат статистиките од следната година. Пр. Ако лани се извадиле (на тепка) 200 државни дозволи тоа се вкупно 600.000 илјади денари. Најголем дел од тие пари легнуваат во БУџет. Со новата цена моја проценка е дека ќе се извадат не повеќе од 50 државни, тоа се 400.000 денари, тука државата е во минус и тоа се надевам некој му го кажал како опција на Министерот, ама ако се извадат 75 државни по цена од 8000 денари, повторно вкупната сума е 600.000 денари, така што буџетот не е во була. Е сега кој го зима кајмакот и дали воопшто ќе има кајмак тоа е добро прашање. Трите ревири ќе си направат проценка од кога ќе помине годината, дали им одат во прилог бројките или не. По мене, Дојран и Козјак нема да имаат загуби (помалку годишни, повеќе дневни) мислам дека може во убав плус да бидат, оној што ќе биде минус по мене е Маврово, годишни ќе паднат, а дневни нема многу да се качат. Како и да е, овие мои анализи и немора да бидат точни, ќе покаже времето.

Како и да е, некаков допис мислам дека нема да вроди со плод. Тогаш кога Рибар реагираше ако не се лажам еден концесионер имаше дадено предлог годишната кај него да биде 6000, а државната автоматски 12.000 денари и не му прифатија. Сега е сосема поинаква ситуација. Тројца големи концесионери дигааат од 3000 на 4000, а дузина други дигаат од 2000 или 2500 на 3000, плус се дигнаа и дел од дневните и неделните. Значи постои колективен тренд на дигање на цените. Така што ако поголем број здруженија и концесионери бараат дигање на дозволите, не гледам причина зошто министерство не би излегло во пресрет на сите нив да не им угоди, а да му угоди на некое здружение кое не е ни концесионер. Накратко - нема да има ефект по мене.

Ефектот ќе си го направат самите рибари кога ќе си се прерачунаат каде ќе ловат и каде ќе вадат дозволи со овие цени годинава. Дел од концесионерите ќе имаат поголем ќар, а дел ќе го јадат, па ќе размислат за цените следната година.