Господине Јован, ме интересира дали имате некоја информација за Прилепско езеро, нешто околу порибување и сл.
За оние кои не знаат, само накусо да ве запознам со езерото...
Се наоѓа на околу 6км од Прилеп, изградено е кон крајот на шеесеттите години на минатиот век, мислам дека 1967 или 1968 година, а кога е полно до горната кота собира околу шест милиони кубни метри вода, што и не е така малку, а со оглед на бизината до градот може да биде извонредна дестинација за спортски риболов...........што за жал не е
Долги години со езерото се стопанисува ,најблаго кажано - лошо! Езерото не се порибува,
се мрежари, а откако годинава беше доделена концесијата во период од месец-два имаше агенција за обезбедување која спроведуваше контрола, а потоа поради нерасчистени сметки помеѓу СРЗ Мамец и агенцијата за обезбедување до ден денес , контрола НЕМА!
Прекрасно езеро за спортски риболов, имаше обиди од поединци (секоја чест) за заживување на
езерото , ама некако овие другите надвадеаа...
Инаку во езерото има Крап, Карас, Црвеноперка, Клен и Костреж.... Во последно време само по
некој карас во пролет и преку летото по некоја црвеноперка.... Е од пред некој 3-4 години некој пушти и штука, па сега од време на време излегува и по некоја штука, веројатно имала и успешен мрест затоа што има и подмладок...
Апелирам до надлежните малку повеќе да се заинтересираат за ова езеро кое навистина многу му значи на Прилепчани.... Спортски поздрав!