Почитувани колеги,
Овој месец Август, сајтот http://www.ribar.com.mk слави - 5 години од своето постоење.
Сајтот го покренав и започнав да го градам во 2008 година за и Македонија да има свое интернет риболовно катче за дружење и комуницирање.
![[ img ]](http://i41.tinypic.com/2crskqo.jpg)
Полека, но сигурно сајтот беше откриен од голем број страствени риболовци и дружбата започна. Во тие почетни денови на функционирање на сајтот во 2008-та година, еве што споделив со колегите риболовци.
-----------------------------------
Почитувани рибари, рибаришта и млади рибарчиња,
RIBAR.COM.MK е сајт за промоција на риболовот како голема пасија и вековно хоби на човекот.
Рибарењето е многугодишна традиција во Република Македонија. Овој сајт има тенденција да излезе во пресрет на се поголемото семејство на спортски риболовци и љубители на реките и езерата ширум Македонија.
Замислен е како портал кој ќе им биде од голема полза на оние кои уживаат во убавините на риболовот и престојот во природа. Тука ќе објавуваме корисни совети за рибарите, разни текстови, фотографии, видео-клипови и репортажи од спортските доживувања низ Македонија. Каде јаде рибата, или каде не јаде. Кој и што фатил, или пак зашто не фатил. Каде е добро да се лови и на што да се лови. Каде рибата е активна, а каде е пасивна. Едноставно, овој сајт е единствен во Македонија кој третира исклучиво риболов, рибарски совети, приказни, моабети и доживувања. Сајтот ќе биде едно големо интернет собиралиште на спортските риболовци од земјава и тука ќе се види кој колку знае, кој е мајсторот и кој е поголемо рибариште.
Воедно, сајтот ќе биде и место каде што на брз начин ќе може да протечат информации на која река или езеро се случува нешто неспортски. Тука ќе се здружиме и ќе интервенираме до надлежните органи да се спречат појавите на криволовство, рибокрадство, употреба на мрежи, динамит и сето останато, што го загрозува риболовниот фонд во Македонија и крајно ги иритира спортските риболовци во државата.
Почитувани колеги рибари,
Ви посакуваме полни мрежи и нека е бистро на сите !
Со почит,
http://www.ribar.com.mk
------------------------------------------
Денес можам да бидам среќен што голем дел од овие првични замисли веќе се остварени.
Во овие 5 години, сајтот направи многу, пренесе бројни информации за риболовците, пренесе многу доживувања и репортажи покрај водите, направи голема колекција на слики и видеа, промовираше многу акции, здруженија и риболовни продавници, пружи совети и образуваше многу риболовци, потегна многу иницијативи, ја промовираше борбата против РИБОКРАДЦИТЕ, го формиравме и најголемиот Форум во Македонија, се склопија многу пријателства и дружби помеѓу риболовците....
За сите овие години, многумина риболовци се вградија во душата и постоењето на http://www.ribar.com.mk и нашиот Форум. Заеднички направивме многу ! Секој си знае кога, како и колку.
Нека трае уште многу години !
Кога ќе не нема сите нас, овој рибарски алманах нека сведочи за времињата кои поминале, нека читаат нашите внуци, нашите правнуци, нашите чукун внуци....
За многу години !
,мислам дека многу повеќе се направи од таа првична идеја
