Борбата против мрежарите продолжува, а риболовците се повеќе и повеќе го дигаат својот глас !
Со оглед на тоа што борбата против рибокрадството и мрежарството на терен е тешка и макотрпна работа, активистите на РИБАР 2011 овој викенд удрија во корен на ова зло, по продавниците за “риболовна опрема“ кои со продавањето на мрежи го подржуваат најголемото зло за македонските води и риби.
Викендов беше спроведена голема акција за пронаоѓање и заплена на мрежи и мрежички во продавниците во Прилеп. Акцијата беше резултат на бројни дојави на риболовци од Прилеп и прилепско, организирана од страна на активистите за борба против рибокрадци на РИБАР 2011 и подржана од претставници на овластени државни институции.
Од четири продавници во кои се влезе, мрежарската опрема беше најдена во две продавници и истите добија соодветни пријави, а останатите две беа чисти и за истото им честитаме и благодариме.
Во првата продавница се најдоа...
над 70 мрежички-вештерки.
![[ img ]](http://www.ribar.com.mk/images/stories/food/mrezicki%20prilep%203.jpg)
![[ img ]](http://www.ribar.com.mk/images/stories/food/mrezicki%20prilep.jpg)
Сопствениците изразија искрена жал за истото и уверување дека нема да се повтори.
Втората продавница во која се најде цел арсенал на мрежи беше продавницата на “близнаците“ во Трговскиот центар.
![[ img ]](http://www.ribar.com.mk/images/stories/food/mrezicki%20prilep%204.jpg)
Сопствениците не изразија посебна жал за истото, додека траеше потрагата по мрежи во дуќанот, постојано лажеа дека немаат други мрежи, а мрежи искачаа од сите страни на дуќанот.
![[ img ]](http://media.snimka.bg/s1/1662/029568061.jpg?r=0)
![[ img ]](http://media.snimka.bg/s1/1662/029568062.jpg?r=0)
![[ img ]](http://media.snimka.bg/s1/1662/029568063.jpg?r=0)
150m
![[ img ]](http://media.snimka.bg/s1/1662/029568064.jpg?r=0)
![[ img ]](http://www.ribar.com.mk/images/stories/food/mrezi%20vo%20prilep%205.jpg)
![[ img ]](http://www.ribar.com.mk/images/stories/food/mrezi%20vo%20prilep%206.jpg)
![[ img ]](http://www.ribar.com.mk/images/stories/food/mrezi%20vo%20prilep%207.jpg)
![[ img ]](http://www.ribar.com.mk/images/stories/food/mrezi%20vo%20prilep%208.jpg)
Во оваа продавница беа најдени:
16 големи мрежи од по 30 метри ;
Една голема мрежа од 150 метри ;
6 мрежи за писи ; и
33 мали мрежички – вештерки.
Сето тоа на еден од одговорните во еден момент дури и смешно му беше. Можеби смешна ќе му биде казната од 2500-5000 евра, но сигурно нема да му биде смешна реакцијата од риболовците на кои им продава риболовна опрема. Во оваа насока, им порачуваме на сите добронамерни риболовци од Прилеп и регионот, добро да размислат дали во иднина ќе пазарат од овој дуќан.
Казната од риболовците е најголемата казна за сите продавници за “риболовна опрема“, затоа што од нас го вадат лебот. Ако се декларирани како такви, нека продаваат риболовна опрема, а не мрежарска опрема. Оние кои продаваат мрежи, работат незаконски, го кршат законот, работат против интересите на риболовците и директно го подржуваат најголемото зло за водите и рибите во нив – МРЕЖАРЕЊЕТО, од кои се испустени нашите води.
Со тоа, тие работат против РИБАРИТЕ, а РИБАРИТЕ тргнуваат против НИВ, рекцијата е нужна и сосема логична....
МРЕЖАРИТЕ НА ТАПЕТ !
Љубителите на риболовот се се посвесни за нивната моќ и во таа насока ги повикуваме на мејлот ribarkontakt@yahoo.com, или кај концесионерите на ревирите да ги пријавуваат сите вакви и слични појави на продажба на мрежи, мрежарење и друг вид на рибокрадство и да учествуваат во акциите против рибокрадците.
Борбата против МРЕЖАРЕЊЕТО продолжува !
www.ribar.com.mk, заедно со здружението РИБАР 2011, заедно со сите други свесни здруженија и риболовци стојат позади оваа борба и истата ќе продолжи !
Голема благодарност за сите кои на свој начин дадоа придонес во оваа акција, до оние кои споделија информација, до оние кои беа присутни на терен и секако до самите претставници на овластените институции.
