Си врткам јас по форумов и гледам чат-пат ќе се појави некоја добра риба,кога малку подоле ќе прочитам дека не е фатена кај нас.Седам една вечер и се одлучувам и јас ко Козле-Бозле да си го најдам моето Прчево.Си правам калкулации ако овие вадат килаши на 300 км ,колкава ли ќе биде мојата ако поминам 2-3000 км.И би така.Палам јас авионот и одам Шведска.
Таму ме чекаше мојот другар дебармаалец Атиле кој живее и твори во Шведска.
Букирал место во еден рибарски камп налик на Национален парк Маврово кој има седум езера и река за мушичарење.Во зависност од ревирот има различни риби,правила на фаќање и картата е различна.Ние се одлучивме за FF т.е.мушичарење со шнур на реката.Има само пастрмка и дозволено е само на мушица а картата е 60 евра на ден.
![[ img ]](http://www.ribar.com.mk/images/stories/food/pastrmka%20vo%20svedska%205.jpg)
![[ img ]](http://www.ribar.com.mk/images/stories/food/pastrmka%20vo%20svedska%204.jpg)
Местото е посетувано од рибари и ги има сите реквизити за човек да се чувствува дека тое е.
Може и со приколка кој му се може
![[ img ]](http://www.ribar.com.mk/images/stories/food/pastrmka%20vo%20svedska%206.jpg)
Ние се сместивме во колибата на чичко Том од 12 м2. 50 евра на ден.
![[ img ]](http://www.ribar.com.mk/images/stories/food/pastrmka%20vo%20svedska%207.jpg)
Вечерта уз кебапи,салата и ракија му реферирав на Атиле колку е тешка живеачката(без риба во реките) во Македонија и дека сме зафатени од криза(за дозволи)
![[ img ]](http://www.ribar.com.mk/images/stories/food/pastrmka%20vo%20svedska%208.jpg)
![[ img ]](http://www.ribar.com.mk/images/stories/food/pastrmka%20vo%20svedska%209.jpg)
Човекот со солзи во очите ме слушаше.Мора да сме претерале со кромид во салатата.
И така си легнавме спремни за првото утро во кое ќе си ја одмериме снагата на трските.
Ден први.
![[ img ]](http://www.ribar.com.mk/images/stories/food/pastrmka%20vo%20svedska%203.jpg)
Утрото се згнавме кон реката.Таму не дочекаа рибари од Чешка,Данска и нормално домашни.Дозволено е само 10 рибари на цела река.Иначе реката е долга 1 км.и е контролирана рибата во неа т.е. секоја вечер пуштаат нова риба еквивалент на она што е фатено во текот на денот.Можеш да земеш 3 риби.Пошто е сеуште рана пролет и инсектите не се присутни одлучивме да фаќаме на стримери.И имаше резултат.Фативме пастрмки од 2.5-3 кг.Некои земавме за дома а нешто и пуштавме.Најголемата што ја фатив беше 2950 г и беше најголема за тој ден.Следниот ден фативме уште по некоја од 2.5 кг а еден Шведо извади една од околу 4 кг.Мене ми скина некоја животиња од над 6-7 кила затоа што не можев да ја мрднам од место.Конецот од 0.25мм беше како материјална точка за неа.
![[ img ]](http://www.ribar.com.mk/images/stories/food/pastrmka%20vo%20svedska%2010.jpg)
![[ img ]](http://www.ribar.com.mk/images/stories/food/pastrmka%20vo%20svedska%2011.jpg)
![[ img ]](http://www.ribar.com.mk/images/stories/food/pastrmka%20vo%20svedska%2012.jpg)
Вечерта одлучивме да ја поминеме во сауна( на детоксикација од овие големи риби).
Едноставно морав тоа да го исфрлам од мене иначе како ќе се вратам дома и ќе фаќам пастрмчиња од 200-500 г.
Наравоучение:Фатив околу 12 кг риба.Карта Македонија-Шведска 300 евра,дозвола 120 евра,спиење и јадење 180 евра....
Колку пари е кило пастрмка?
Околу 50 евра.
Кој сака има позади Буњаковец за 250 денари и тоа пржена.
Не ги прашав рибите можеби исполнуваа по некоја желба па затоа се толку пари?
Но како и кај Козле-Бозле кој скапо го плаќаше неговиот пат барајќи го Прчево.
А кејфот...нема цена.
Едино околината кај нас во МК е пошаренолика и во појќе бои и материјали(најлони, најлончиња, лименки, пластични шишиња) 
