19.01.2014 година ... Водици ... Еден од најголемите христијански празници. Денот кога Исус бил крстен во водите на реката Јордан, а сите христијани овој ден го слават секоја година со фрлање на крст во река, езеро или базен, каде група верници се капат во студените води за здравје.
Струга е градот каде, според мое мислење, церемонијата на фрлањето на крстот во река Црн Дрим е нај добро осмислен, нај добро изведен и нај прегледен за присутните гости, кои после осветувањето на реката слободно се мијат и пијат од бистрата вода на Црн Дрим. Не само затоа што јас сум по потекло и живеам во Струга, туку до сега не сум видел никаде толку убаво организирана церемонија на фрлање на крст во другите градови.
Еве и некоја слика од самиот чин, позајмена од ФБ.
![[ img ]](http://i43.tinypic.com/25q7tsp.jpg)
![[ img ]](http://i44.tinypic.com/9bkne1.jpg)
![[ img ]](http://i44.tinypic.com/1z6fwj9.jpg)
Се е супер додека не заврши верската церемонија со фрлањето на крстот, а после .... после целата таа прослава, се се претвора во еден голем циркуз, во еден кичерај ... просто да се чуди човек што се прават луѓето во име на религијата, како луѓето слават верски празник ... пијани на сите страни низ градот, кавги, петарди, пиштоли ... и се тоа во чест на крштевањето од Исус. Во текот на овој ден може само да се види како не треба да изгледа еден христијански верник, а не целиот тој циркуз да се нарече прослава на верски празник.
Не сакаќи ниту да ги гледам, ниту да ги слушам таквите „молитви“ и „прослави“ од толпата луѓе, решив да го побарам стрико Вељо за да истераме 2-3 часовен риболов во мир и тишина, да не речам во рајот - Добовјани
Заминавме во 13.30 часот, а таму Црн Дрим не пречека мал, бистар и мирен ... идеален за риболов во овој период на годината. Да бидам искрен од дома излегов со мисла да бидам малку во мир и тишина, а се надевав на 1-2 уловени риби колку за да можам да кажам дека сум бил по риба
.Еве некоја денешна слика од Дрим во Добовјанскиот дел.
![[ img ]](http://i42.tinypic.com/rrsiu8.jpg)
![[ img ]](http://i39.tinypic.com/34gaw76.jpg)
Ловевме на леб со повремена прихрана со стар леб.
Веднаш после првото прихранување, односно после 3-4 зафрлувања и месетење на длабочина, се појави и првиот скобал
![[ img ]](http://i41.tinypic.com/o70kzd.jpg)
![[ img ]](http://i40.tinypic.com/28ahleg.jpg)
Веднаш потоа уште еден, па уште еден ....
![[ img ]](http://i41.tinypic.com/rr0cxs.jpg)
![[ img ]](http://i41.tinypic.com/1zqgbki.jpg)
![[ img ]](http://i42.tinypic.com/rvg0uw.jpg)
![[ img ]](http://i41.tinypic.com/deqljl.jpg)
![[ img ]](http://i43.tinypic.com/imta1x.jpg)
Епилогот од денешниот риболов беше 10 скобали од околу 300 - 500 грама.
![[ img ]](http://i43.tinypic.com/t6frkg.jpg)
Од тие десет риби, четири беа земени, а останатите се вратени назад во вода
Се на се одличен риболовен ден. По риба отидов за да најдам мир и тишина и тоа го добив во целост, а од друга страна ќе бев среќен со 1-2 уловени риби за тричасовниот риболов, а уловив 10 убави скобали.
Бистро колеги до следниот риболов.
квалитетно поминат ден 
.
Абе како нема риба да фати