Сигурно на многупати сте се нашле во ситуација конецот да ви се заплетка т.е намота под шпунлата, поприлично незгодно и нервозно, посебно кога имате исфрлено многу конец и мамецот е во вода, или имаш риба, а ти се случува овој куршлус. Ваквите незгоди фирмите производители ги забележале и поновите модели на машинки имаат заштита од ваквото паѓање на конецот под шпунлата, најчесто заштитата е со четкици од страна.
Сепак, ако немате ваква заштита на машинките, може и сами да направите.
Јас користев трака со влакненца која најчесто ја користат луѓето кои се занимаваат со столарија, јас сум ја видел оваа трака на оние шибер регали и најверојатно служи за да не влага прашина.
Вака изгледа таа трака, јас ја најдов во една продавница која продаваше чешми, делови за столарија, регали и сл....дури ми ја дадоа и без пари
![[ img ]](http://i62.tinypic.com/walzk6.jpg)
![[ img ]](http://i60.tinypic.com/14c880k.jpg)
Со нејзино сечење во должина, ширина и со шишање на влакненцата се прават странични четкици за околу шпунлата.
Јас на моите машинки веќе имав од страна шини во кои ги вметнав овие четкици.
Шишањето на влакненцата на лентите е особено битно за да не и пречат на шпунлата при вртењето и идењето нагоре надоле при редењето на конецот, а во исто време и да биде блиску до неа со цел да ја завршат својата работа, да не го пуштат конецот да падне и намота под шпунла.
При првиот обид кај мене должината на влакната беше голема и до некаде и пречеа на шпунлата, тоа изгледаше вака
![[ img ]](http://i61.tinypic.com/etuwxy.jpg)
После средувањето и шишањето, финалниот производ изгледа вака
![[ img ]](http://i59.tinypic.com/2ynjo6s.jpg)
За оние машинки кои немаат шини од страна, лентичките можат да се залепат, сепак ако ги лепите гледајте шишањето и средувањето на четкичките да го направите пред да го залепите, затоа што за разлика од оние машинки кои имаат вакви шини од страна и каде што лентата можеш да а вадиш и ставаш се додека не ја дотераш како треба, ...ако лентата ја лепиш, после лепење нема вадење.